മെഡിക്കല് വിദ്യാഭ്യാസ വകുപ്പിലെ ഡോക്ടര്മാരുടെ പെന്ഷന് പ്രായം 60-ല് നിന്ന 62 വയസ്സായി വര്ധിപ്പിക്കും
ആരോഗ്യവകുപ്പിലെയും മെഡിക്കല് വിദ്യാഭ്യാസ വകുപ്പിലെയും ഡോക്ടര്മാരുടെ പെന്ഷന് പ്രായം വര്ധിപ്പിക്കാന് മന്ത്രിസഭാ യോഗം തീരുമാനിച്ചു. ആരോഗ്യവകുപ്പിലെ ഡോകടര്മാരുടെ പെന്ഷന് പ്രായം 56-ല് നിന്ന് 60 വയസ്സായി ഉയര്ത്തും.
മെഡിക്കല് വിദ്യാഭ്യാസ വകുപ്പിലെ ഡോക്ടര്മാരുടെ പെന്ഷന് പ്രായം 60-ല് നിന്ന 62 വയസ്സായി വര്ധിപ്പിക്കും. പരിചയസമ്പന്നരായ ഡോക്ടര്മാരുടെ ദൗര്ലഭ്യം ആരോഗ്യമേഖലയിലെ പ്രവര്ത്തനത്തെ പ്രതികൂലമായി ബാധിക്കുന്നത് കണക്കിലെടുത്താണ് പെന്ഷന് പ്രായം ഉയര്ത്താന് തീരുമാനിച്ചത്. മിക്കവാറും ഇതര സംസ്ഥാനങ്ങളില് ഡോക്ടര്മാരുടെ പെന്ഷന് പ്രായം കേരളത്തിലേക്കാള് ഉയര്ന്നതാണ്. ബീഹാര് 67, ആന്ധ്രാപ്രദേശ് 58, തെലുങ്കാന 60, മഹാരാഷ്ട്ര 60, കര്ണാടക 60, തമിഴ്നാട് 58, ഗുജറാത്ത് 62, ഉത്തര്പ്രദേശ് 62 എന്നിങ്ങനെയാണ് പെന്ഷന് പ്രായം. ഇവിടങ്ങളില് മെഡിക്കല് കോളേജ് അധ്യാപകരുടെ പെന്ഷന് പ്രായം ഇതിലും ഉയര്ന്നതാണ്.
