നിര്ജലീകരണവും ക്ഷീണവും ഒഴിവാക്കാന് ദിവസവും രണ്ടു-മൂന്നു ലിറ്റര് വെള്ളമെങ്കിലും കുടിക്കണം. തിളപ്പിച്ചാറിയ വെള്ളം, കഞ്ഞിവെള്ളം, നാരങ്ങാവെള്ളം തുടങ്ങിയവ ഉപ്പിട്ട് കുടിക്കാം.
വേനല് ചൂടിന്റെ കാഠിന്യം ഓരോ ദിവസം കഴിയുതോറും കൂടി വരുകയാണ്.പുറത്തേക്കിറങ്ങിയാല്, തിളയ്ക്കുന്ന വെയിലില് പൊള്ളിക്കരിഞ്ഞുപോകുമെന്ന അവസ്ഥയാണ്. 2019 മുതല് 2023 വരെയുള്ള കാലയളവു ചൂടിന്റെ കാര്യത്തില് പുതിയ റെക്കോര്ഡുകള് സൃഷ്ടിക്കുമെന്നാണു ലോക കാലാവസ്ഥാപഠന സംഘടനയുടെ കണക്കു പ്രകാരം പഠനങ്ങള് പറയുന്നത് അതുകൊണ്ട് വെയിലേറ്റാല് ഉണ്ടാവുന്ന മാറ്റങ്ങളെയും സൂര്യാഘാതത്തെ നേരിടേണ്ടതെങ്ങനെയെന്നും അറിഞ്ഞു വയ്ക്കണം.
സൂര്യാഘാതത്തിന്റെ ചില മുന്നറിയിപ്പ് ലക്ഷണങ്ങള് (WARNING SIGNS)
ഈ ലക്ഷണങ്ങള് എന്തെങ്കിലും തോന്നിയാല്, ഉടനെ അടുത്തുള്ള തണലില്/ തണുപ്പുള്ള സ്ഥലത്തുപോയി വിശ്രമിക്കണം. ഉപ്പും പഞ്ചസാരയും ലയിപ്പിച്ച വെള്ളം ധാരാളം കുടിക്കണം. അരമണിക്കൂര് കഴിഞ്ഞും ബുദ്ധിമുട്ടുകള് മാറുന്നില്ലായെങ്കില് ഡോക്ടറെ കാണണം.
ഉടനെ ചികിത്സ ലഭ്യമാക്കേണ്ട അവസരങ്ങള്
ചര്മ്മം ഒട്ടും തന്നെ വിയര്ക്കാത്ത അവസ്ഥ. ഒപ്പം ചൂടുള്ളതും വരണ്ടതും ആണെങ്കില്.
സ്ഥലകാല വിഭ്രാന്തി, ബോധക്ഷയം
വിങ്ങുന്ന മാതിരിയുള്ള തലവേദന/ ചര്ദ്ദി
ശ്വാസംമുട്ടല്, ഇങ്ങനെയുള്ള അവസ്ഥകള് ഉണ്ടായാല് ഉടനെചികിത്സ ലഭ്യമാക്കണം
കൂടെയുള്ള ഒരാള്ക്ക് സൂര്യാഘാതമേറ്റാല് എന്തുചെയ്യണം?
പ്രതിരോധ മാര്ഗങ്ങള്
നിര്ജലീകരണവും ക്ഷീണവും ഒഴിവാക്കാന് ദിവസവും രണ്ടു-മൂന്നു ലിറ്റര് വെള്ളമെങ്കിലും കുടിക്കണം. തിളപ്പിച്ചാറിയ വെള്ളം, കഞ്ഞിവെള്ളം, നാരങ്ങാവെള്ളം തുടങ്ങിയവ ഉപ്പിട്ട് കുടിക്കാം.
ചായ, കാപ്പി തുടങ്ങിയവ കുറയ്ക്കുക. കൃത്രിമ ശീതളപാനീയങ്ങള്, ബിയര്, മദ്യം എന്നിവ ഒഴിവാക്കണം. ഇവ താല്ക്കാലികമായി ദാഹശമനം വരുത്തുമെങ്കിലും തുടര്ന്ന് അമിത ദാഹമുണ്ടാക്കുകയും ആരോഗ്യപ്രശ്നങ്ങളിലേക്ക് വഴിവെക്കുകയും ചെയ്യും .
പഴങ്ങള്, പച്ചക്കറികള്, ഇലക്കറികള് തുടങ്ങിയവ ഭക്ഷണത്തില് ധാരാളമായി ഉള്പ്പെടുത്തുക. മാംസാഹാരം മിതമാക്കുക അമിത ചൂടില് തുറസ്സായ സ്ഥലത്തെ അധ്വാനം, കായിക പരിശീലനം തുടങ്ങിയവ ഒഴിവാക്കുക.രാവിലെ പതിനൊന്നു മണിമുതല് ഉച്ചക്ക് മൂന്നുമണി വരെയുള്ള വെയില് കൊള്ളുന്നത് ഒഴിവാക്കണം. നൈലോണ്, പോളിസ്റ്റര് വസ്ത്രങ്ങള് ഒഴിവാക്കുക, അയഞ്ഞ കോട്ടണ് വസ്ത്രങ്ങളാണ് നല്ലത്.പനിയോ വിട്ടുമാറാത്ത ക്ഷീണമോ ഉണ്ടായാല് വൈദ്യസഹായം തേടുക അതുപോലെ തന്നെ കുട്ടികളോ പ്രായമായവരോ വീട്ടിലുണ്ടെങ്കില് അവര് ഈ കാര്യങ്ങള് ശ്രദ്ധിക്കുന്നുണ്ടെന്ന് ഉറപ്പുവരുത്തുക.
ഫേസ്ബുക്കിലെ ഇന്ഫോക്ലിനിക്ക് കൂട്ടായ്മക്കുവേണ്ടി ഡോ:മനോജ് വെള്ളനാട് എഴുതിയത്.