2000, രൂപയുടെ നോട്ടിന്റെ ഫോട്ടോകോപ്പിയെടുത്തിട്ട് യഥാര്‍ഥനോട്ടിന്റെ വലുപ്പത്തില്‍ മുറിച്ച് വയ്ക്കും. തുടര്‍ന്ന് പച്ച ഗില്‍റ്റര്‍ പേന കൊണ്ട് നോട്ടിലെ മാര്‍ക്കുണ്ടാക്കും
ഫോട്ടോകോപ്പിയും ഗില്‍റ്റര്‍ പേനയും (തിളങ്ങുന്ന മഷിയുള്ള പേന) ഉപയോഗിച്ച് 2000-ന്റെ വ്യാജനോട്ട് ഉണ്ടാക്കുന്നത് പഠിക്കണമെന്നുണ്ടെങ്കില്‍ ബംഗളുരൂ വരെ ഒന്ന് പോയാല്‍ മതി. ബംഗളുരൂ പോലീസിന്റെ പിടിയിലായ നാലുപേര്‍ ഇതില്‍ വിദഗ്ദ്ധരാണ്. കഴിഞ്ഞ നാലുദിവസമായി ഇവര്‍ എട്ടോളം മദ്യഷോപ്പുകളിലാണ് ഈ വ്യാജനോട്ട് ഉപയോഗിച്ച് ഇടപാട് നടത്തിയത്. കഴിഞ്ഞ വെള്ളിയാഴ്ച മുതല്‍ ഇവര്‍ ഒരു സുഹൃത്തിന്റെ ഫോട്ടോകോപ്പി കടയില്‍ നിന്ന് നോട്ടിന്റെ കളര്‍ പ്രിന്റ് എടുത്ത് ഉപയോഗിച്ച് വരുകയായിരുന്നു. ശാശങ്ക്, മധുകുമാര്‍, കിരണ്‍ കുമാര്‍, നാഗരാജ് തുടങ്ങിയവരാണ് പോലീസ് പിടിയിലായ നോട്ട് നിര്‍മാണ വിദഗ്ദ്ധര്‍.
മുതിര്‍ന്ന പോലീസ് ഉദ്യോഗസ്ഥന്‍ എം എന്‍ അനുജെത് പറയുന്നത്- ശാശങ്കും മധുവും 2000, രൂപയുടെ നോട്ടിന്റെ ഫോട്ടോകോപ്പിയെടുത്തിട്ട് യഥാര്‍ഥനോട്ടിന്റെ വലുപ്പത്തില്‍ മുറിച്ച് വയ്ക്കും. തുടര്‍ന്ന് പച്ച ഗില്‍റ്റര്‍ പേന കൊണ്ട് നോട്ടിലെ മാര്‍ക്കുണ്ടാക്കും. ഇവര്‍ക്കുവേണ്ട ഒത്താശകള്‍ ചെയ്തു കൊടുത്തിരുന്നത് കിരണ്‍ കുമാറും നാഗരാജുമായിരുന്നു.
ഇവര്‍ ഇടപാട് നടത്തിയിരുന്ന 25-ഓളം നോട്ടുകള്‍ തിരിച്ച് പിടിച്ചിട്ടുണ്ട്. ഈ നോട്ടുകള്‍ യഥാര്‍ഥ നോട്ടുകളില്‍ നിന്നുള്ള ഒരേഒരു വിത്യാസം പേപ്പറിന്റെ ഗുണമേന്മ മാത്രമാണ്. അത്രക്ക് വിദഗ്ദ്ധമായിട്ടാണ് ഇവര്‍ നോട്ട് തയ്യാറാക്കിയതെന്നാണ് പോലീസ് പറയുന്നത്.
