അഴിമുഖം പ്രതിനിധി
ജമ്മുകശ്മീരില്‍ ബീഫ് വില്‍പന ഹൈക്കോടതി നിരോധിച്ചു. നിരോധനം കൃത്യമായി നടപ്പിലാക്കുന്നുവെന്ന് ഉറപ്പുവരുത്തണമെന്ന് സംസ്ഥാന സര്‍ക്കാരിന് നിര്‍ദ്ദേശം നല്‍കുകയും ചെയ്തു. ഇന്നലെയാണ് ഉത്തരവുണ്ടായതെങ്കിലും ഇന്ന് സംസ്ഥാനത്ത് ബീഫ് വില്‍പന ശാലകള്‍ തുറന്നിരുന്നു. അതേസമയം, പിഡിപി-ബിജെപി സഖ്യ സര്‍ക്കാര്‍ ഇതേക്കുറിച്ച് ഇതുവരെ പ്രതികരിച്ചിട്ടില്ല. സംസ്ഥാനത്തെ ജനസംഖ്യയില്‍ ഭൂരിപക്ഷവും ബീഫ് കഴിക്കുന്നവരായതിനാല്‍ ബീഫ് നിരോധനം നടപ്പിലാക്കുന്നത് സംസ്ഥാന സര്‍ക്കാരിന് വെല്ലുവിളിയാകും.
