അഴിമുഖം പ്രതിനിധി
ഹൈദരാബാദ് സര്വ്വകലാശാലയിലെ വൈസ് ചാന്സലര് അപ്പ റാവുവിന്റെ തിരിച്ചുവരവിനെതിരെ സമരം ചെയ്തതിനെത്തുടര്ന്ന് അറസ്റ്റിലായ 2 അധ്യാപകര്ക്കും 24 വിദ്യാര്ഥികള്ക്കും ഡോക്യുമെന്ററി സംവിധായകനും കോടതി ജാമ്യം അനുവദിച്ചു. ഇതില് 9 പേര് മലയാളികളാണ്. മിയപുര് മെട്രോപൊളിറ്റന് കോടതി മജിസ്ട്രേറ്റ് ധമവരപ്പ് വരൂദിനിയാണ് വിദ്യാര്ഥികള്ക്ക് ജാമ്യംനല്കിയത്. കഴിഞ്ഞ വ്യാഴാഴ്ച വിദ്യാര്ത്ഥികളുടെയും അധ്യാപകരുടെയും ജാമ്യാപേക്ഷ പരിഗണിച്ചതാണെങ്കിലും പൊലീസ് കൂടുതല് സമയം ആവശ്യപ്പെട്ടതനുസരിച്ച് ജാമ്യം പരിഗണിക്കുന്നത് തിങ്കളാഴ്ച്ച വരെ നീട്ടിവയ്ക്കുകയായിരുന്നു.