സ്ത്രീകളുടെ സാര്‍വ്വലൗകികമായ വേദനകളുടെയും കുടുംബ ബന്ധങ്ങളുടെയും സര്‍വ്വോപരി വ്യത്യസ്ത സംസ്‌കാരങ്ങളില്‍ നിന്നുള്ള ജീവിതങ്ങളുടേയും കഥകളാണ് ചിത്രങ്ങളില്‍ സംവദിക്കുന്നത്. നിര്‍ണായക സാമൂഹിക ഘടനകള്‍ നിലനിര്‍ത്തുന്നതിലും കുടുംബബന്ധങ്ങള്‍ വിളക്കിച്ചേര്‍ക്കുന്നതിലും ദുര്‍ബലവിഭാഗമെന്നു കരുതപ്പെടുന്ന സ്ത്രീകള്‍ വലിയ പങ്കുവഹിക്കുന്നുണ്ടെന്ന വസ്തുതയും ഇവ ചൂണ്ടിക്കാട്ടുന്നുണ്ട്.
അമ്മ ജോലിക്കു നില്‍ക്കുന്ന വീട്ടിലെത്തി അവിടെയുളളവരോട് ഇടപഴകുന്ന തന്നിഷ്ടക്കാരിയായ മകളെ കേന്ദ്രകഥാപാത്രമാക്കി ഈവര്‍ഷം പുറത്തിറങ്ങിയ ചിത്രമാണ് ദ സെക്കന്റ് മദര്‍. ഹാസ്യ നാടകത്തിന്റെ ചുവയുള്ള ചിത്രം ബ്രസീലില്‍നിന്ന് വിദേശ ഭാഷാ ചിത്രങ്ങളുടെ പട്ടികയില്‍ ഓസ്‌കാറിനായി നോമിനേറ്റ് ചെയ്യുന്നുണ്ട്. യുവജനങ്ങളുടെ അരക്ഷിത ലൈംഗിക ജീവിതത്തിന്റെ പരിണിതഫലങ്ങളെ പ്രമേയമാക്കിയ വിയറ്റ്‌നാമിലെ നവാഗത സംവിധായകന്‍ ദിയപ് ഹൊയാങ് ന്ഗ്യൂയന്റെ ചിത്രമാണ് ഫ്ലാപ്പിംഗ് ഇന്‍ ദി മിഡില്‍ ഓഫ് നോവെയര്‍. സാമ്പത്തിക പരാധീനതകളില്‍ അകപ്പെട്ട ഗര്‍ഭിണിയെ സാംസ്‌കാരിക, ആത്മീയ പശ്ചാത്തലത്തില്‍ സിനിമയില്‍ അവതരിപ്പിച്ചിട്ടുണ്ട്.
കാപ്പി കര്‍ഷകനെ വശീകരിക്കുവാനുള്ള മരിയയുടെ ശ്രമങ്ങളും കാര്യങ്ങള്‍ നടക്കില്ലെന്നു കണ്ടപ്പോള്‍ മറ്റുവഴികള്‍ ആരായുന്നതുമാണ് ഇക്‌സാനുവലിന്റെ ഇതിവൃത്തം. തദ്ദേശീയ സംസ്കാരത്തെക്കുറിച്ചുള്ളതല്ലെ
