‘ഇപ്പോള് പാകിസ്താനിലെ ഭീകരരുടെ ആശങ്കകളും ഉയര്ത്തികൊണ്ടുവരുകയാണ് കോണ്ഗ്രസ്. ന്യൂഡല്ഹിയിലേക്ക് സ്വാഗതം. ഈ ഭയം നല്ലതാണ്.’- ബിജെപി
പ്രധാനമന്ത്രി നരേന്ദ്ര മോദിയെ ഭീകരവാദിയെന്ന് വിളിച്ച് കോണ്ഗ്രസ് അധ്യക്ഷന് രാഹുല്ഗാന്ധി പങ്കെടുത്ത റാലിയില് മുന്സിനിമതാരവും കോണ്ഗ്ഗസിന്റെ മുന് എംപിയുമായ വിജയശാന്തിയുടെ വിവാദ പ്രസംഗം. തെലങ്കാനയില് നടന്ന റാലിയിലാണ് വിജയശാന്തിയുടെ പ്രസംഗം. തെലുങ്ക് ഭാഷയില് നടത്തിയ പ്രസംഗത്തില് വിജയശാന്തി പറഞ്ഞത് ഇങ്ങനെയാണ്-
‘ജനങ്ങള് ഭയപ്പെടുകയാണ്, എപ്പോഴാണ് മോദി ബോംബ് പ്രയോഗിക്കുകയെന്ന് അറിയില്ല. മോദി ഭീകരവാദിയെപോലെയാണ്.ജനങ്ങള് നേതാക്കളെ ഇഷ്ടപ്പെടുകയാണ് വേണ്ടത്. പക്ഷെ ജനങ്ങളെ ഭയപ്പെടുത്തുകയാണ് മോദി. ഒരു പ്രധാനമന്ത്രി ഇത് ഒരിക്കലും ചെയ്യാന് പാടില്ല.’
Vijaya Shanti, Congress in Shamshabad, Telangana: Everyone is scared that at what moment Modi will shoot the bomb. He looks like a terrorist. Instead of loving people, he is scaring people. It’s not the way how a PM should be. pic.twitter.com/1pDEvYHXH8
— ANI (@ANI) March 9, 2019
റാലിയില് രാഹുല് ഗാന്ധിയും പ്രധാനമന്ത്രിക്കെതിരെ വിമര്ശനം നടത്തി. പാവപ്പെട്ടവരുടെയും അതിസമ്പന്നരുടെയും രണ്ട് ഇന്ത്യയെ സൃഷ്ടിക്കുകയാണ് അദ്ദേഹം ചെയ്തതെന്നും തെലങ്കാന മുഖ്യമന്ത്രി കെ ചന്ദ്രശേഖര റാവു മോദിയുടെ നിര്ദേശമനുസരിച്ച് പ്രവര്ത്തിക്കുന്നയാളായി മാറിയെന്നും രാഹുല് കുറ്റപ്പെടുത്തി.
കോണ്ഗ്രസിന്റെ വിവാദ പരാമര്ശത്തിനെതിരെ ബിജെപി രംഗത്തെത്തിയിട്ടുണ്ട്. ‘ഇപ്പോള് പാകിസ്താനിലെ ഭീകരരുടെ ആശങ്കകളും ഉയര്ത്തികൊണ്ടുവരുകയാണ് കോണ്ഗ്രസ്. ന്യൂഡല്ഹിയിലേക്ക് സ്വാഗതം. ഈ ഭയം നല്ലതാണ്.‘ എന്നാണ് സോഷ്യല് മീഡിയയില് ബിജെപി പ്രതികരിച്ചിരിക്കുന്നത്.
Now Congress is truly raising concerns & worries of terrorists in Pakistan.
Welcome to New India.
Yeh Dar Acha Hai. https://t.co/5QJpdCv2t4— BJP (@BJP4India) March 9, 2019