സ്റ്റേഷനുകള്‍ കൂടാതെ ട്രെയിനുകളില്‍കൂടിയും വൈഫൈ സംവിധാനം ഏര്‍പ്പെടുത്താന്‍ സര്‍ക്കാര്‍ പദ്ധതിയുണ്ട്
പുതുവര്‍ഷത്തില്‍ രാജ്യത്തെ 200 സ്റ്റേഷനുകളില്‍ വൈഫൈ സൗകര്യം ഏര്‍പ്പെടുത്തുവാന്‍ റെയില്‍വേ ഒരുങ്ങുന്നു. റെയില്‍വേ മന്ത്രി സുരേഷ് പ്രഭുവാണ് 2017-ല്‍ കൂടുതല്‍ റെയില്‍വേ സ്റ്റേഷനുകളില്‍ വൈഫൈ സൗകര്യം ഏര്‍പ്പെടുത്തുമെന്ന് അറിയിച്ചത്. കേരളത്തില്‍ തിരുവനന്തപുരം, കൊല്ലം, എറണാകുളം, കണ്ണൂര്‍ എന്നിവിടങ്ങളില്‍ വൈഫൈ സംവിധാനം ഏര്‍പ്പെടുത്തിയിട്ടുണ്ട്.
രാജ്യത്തെ നൂറോളം സ്റ്റേഷനുകളിലാണു ഈ വര്‍ഷം വൈഫൈ സംവിധാനം ഒരുക്കിയിരുന്നത്. അടുത്ത വര്‍ഷം വൈഫൈ സൗകര്യമുള്ള സ്റ്റേഷനുകള്‍ ഇരട്ടിയാക്കാനാണു പദ്ധതിയിട്ടിരിക്കുന്നത്. സ്റ്റേഷനുകള്‍ കൂടാതെ ട്രെയിനുകളില്‍കൂടിയും വൈഫൈ സംവിധാനം ഏര്‍പ്പെടുത്താന്‍ സര്‍ക്കാര്‍ പദ്ധതിയുണ്ട്. നിലവില്‍ പരീക്ഷണാടിസ്ഥാനത്തില്‍ എതാനും ട്രെയിനുകളിലും വൈഫൈ സംവിധാനം ഒരുക്കിയിട്ടുണ്ട്.
