അഴിമുഖം പ്രതിനിധി
പെരുമ്പാവൂര് ജിഷ വധകേസില് യുഡിഎഫ് കണ്വീനര് പിപി തങ്കച്ചന്റെ പിഎ ബിജുവിനെ അന്വേഷണസംഘം ചോദ്യം ചെയ്തു. ജിഷയുടെ വധത്തിനു പിന്നില് ഒരു മുതിര്ന്ന കോണ്ഗ്രസ് നേതാവാണെന്ന് ആരോപിച്ചു മനുഷ്യാവകാശ പ്രവര്ത്തകന് ജോമോന് പുത്തന്പുരയ്ക്കല് മുഖ്യമന്തിയ്ക്ക് പരാതി നല്കിയിരുന്നു. ഈ കോണ്ഗ്രസ് നേതാവിന്റെ വീട്ടില് ജിഷയുടെ അമ്മ ജോലിക്ക് നിന്നിരുന്നുവെന്നും ജിഷ ഈ നേതാവിന്റെ മകളാണെന്നും ജോമോന് ആരോപിച്ചിരുന്നു.
ഇതേ തുടര്ന്ന് തന്റെ വീട്ടില് ജിഷയുടെ അമ്മ ജോലിയ്ക്ക് നിന്നിട്ടില്ല എന്ന വാദവുമായി പിപി തങ്കച്ചന് രംഗത്തെത്തിയിരുന്നു. ജിഷയുടെ അമ്മയും ഈ ആരോപണത്തെ നിഷേധിച്ചിരുന്നു.