അഴിമുഖം പ്രതിനിധി
കെ ബാബുവിന്റെ ബിനാമിബന്ധത്തിന് കൂടുതല് തെളിവുകളുമായി വിജിലന്സ്. ബിനാമി ബാബുറാമുമായി കെ ബാബുവിന് അടുത്ത ബന്ധമുണ്ടെന്ന് വിജിലന്സ് കണ്ടെത്തി. ബാര് കോഴക്കേസ് പിന്വലിക്കണമെന്നാവശ്യപ്പെട്ട് ബാബുറാം വിജിലന്സ് ഡയറക്ടര്ക്ക് കത്ത് നല്കിയിരുന്നു. ഈ കത്തിന്റെ പകര്പ്പ് വിജിലന്സ് റെയ്ഡില് കണ്ടെടുത്തു.
കെ ബാബുവും ബാബുറാമും തമ്മിലുള്ള ഫോണ്വിളികളുടെ രേഖകളും വിജിലന്സിന് ലഭിച്ചിട്ടുണ്ട്. പുതിയ തെളിവുകള് ലഭിച്ച സാഹചര്യത്തില് കെ ബാബുവിനെ വിജിലന്സ് നാളെ വീണ്ടും ചോദ്യം ചെയ്യും.