കലാഭവന്‍ മണിയുടെ ശരീരത്തില്‍ മീഥൈല്‍ ആല്‍ക്കഹോളിന്റെ അംശം കണ്ടെത്തിയതായി ആശുപത്രി അധികൃതര്‍ അറിയിച്ചതിന്റെ അടിസ്ഥാനത്തില്‍ ചാലക്കുടി പോലീസ് എഫ്.ഐ.ആര്‍ രജിസ്റ്റര്‍ ചെയ്തു. പൊലീസ് വൈകുന്നേരത്തോടെ അദ്ദേഹത്തിന്റെ മൊഴിയെടുക്കാൻ എത്തിയിരുന്നെങ്കിലും അതിനു സാധിച്ചില്ല. ആശുപത്രി അധികൃതരും വീട്ടുകാരം ആദ്യം ഈ വിവരം ആദ്യം പൊലീസിൽ അറിയിച്ചിരുന്നില്ലെന്നും സൂചനയുണ്ട്. ഇന്ന് വൈകുന്നേരം 7.15 നാണ് മണിയുടെ മരണം സ്ഥിരീകരിച്ചത്. മൃതദേഹം തൃശൂര്‍ മെഡിക്കല്‍ കോളജില്‍ നാളെ പോസ്റ്റ്‌മോര്‍ട്ടം ചെയ്യും.
