അഴിമുഖം പ്രതിനിധി
ഹൈദരാബാദ് സര്‍വകലാശാലയിലെ വിദ്യാര്‍ഥി സമരത്തിന് പിന്തുണ പ്രഖ്യാപിച്ച് കാമ്പസിലെത്തിയ എം.പിമാരെ പോലീസ് തടഞ്ഞു. കേരളത്തില്‍ നിന്നുള്ള എം.പിമാരായ എംബി രാജേഷ്, പികെ ബിജു, എ സമ്പത്ത് എന്നിവരെയാണ് തടഞ്ഞത്. രാഷ്ട്രീയക്കാരെയും മാധ്യമപ്രവര്‍ത്തകരെയും പുറത്തു നിന്നുള്ളവരെയും കാമ്പസില്‍ പ്രവേശിപ്പിക്കരുത് എന്ന ഓര്‍ഡര്‍ അനുസരിച്ചാണ് തടയല്‍. ഇതില്‍ പ്രതിഷേധിച്ച് എംപിമാര്‍ ഗേറ്റില്‍ കുത്തിയിരുന്നു പ്രതിഷേധം നടത്തുകയാണ്.
