കെഎസ്ആര്ടിസി ജീവനക്കാരുടെ മൂന്നു സംഘടനകള് പണിമുടക്കില് പങ്കെടുക്കുന്നുണ്ട്
ശമ്പളവും പെന്ഷനും വൈകുന്നതില് പ്രതിഷേധിച്ച് കെഎസ്ആര്ടിസി ജീവനക്കാരുടെ 24 മണിക്കൂര് പണിമുടക്ക് ആരംഭിച്ചു. കെഎസ്ആര്ടിസി ജീവനക്കാരുടെ മൂന്നു സംഘടനകള് പണിമുടക്കില് പങ്കെടുക്കുന്നുണ്ട്. കേരള സ്റ്റേറ്റ് ട്രാന്സ്പോര്ട്ട് എംപ്ലോയീസ് യൂണിയന്, ട്രാന്സ്പോര്ട്ട് ഡെമോക്രാറ്റിക് ഫെഡറേഷന്, സ്റ്റേറ്റ് ട്രാന്സ്പോര്ട്ട് എംപ്ലോയീസ് സംഘ് എന്നീ സംഘടനകളാണ് പണിമുടക്കിന് ആഹ്വാനം ചെയ്തത്.
പണിമുടക്ക് ഒഴിവാക്കുന്നതിന് ഗതാഗത മന്ത്രി എ കെ ശശീന്ദ്രന് ജീവനക്കാരുടെ പ്രതിനിധികളുമായി ചര്ച്ച നടത്തിയിരുന്നു. എന്നാല് ചര്ച്ച പരാജയപ്പെട്ടതിനെ തുടര്ന്ന് പണിമുടക്കുമായി മുന്നോട്ടു പോകുവാന് ജീവനക്കാര് തീരുമാനിക്കുകയായിരുന്നു. വെളുപ്പിനെ 12 മണി മുതല് ആരംഭിച്ച പണിമുടക്ക് ഇന്ന് അര്ധരാത്രി വരെ തുടരും.