അഴിമുഖം പ്രതിനിധി
വിജലന്‍സ് ഡയറക്ടര്‍ ജേക്കബ് തോമസിന്റെ ഭാര്യയുടെ പേരില്‍ കര്‍ണാടകയില്‍ വനഭൂമി കൈയ്യേറിയെന്ന ആരോപണം. ജേക്കബ് തോമസിന്റെ ഭാര്യ കര്‍ണാടകയിലെ കുടകില്‍ 151 ഏക്കര്‍ വനഭൂമി കൈയ്യേറിയെന്നാണ് കര്‍ണാടക വനംവകുപ്പ് കണ്ടെത്തിയത്. തുടര്‍ന്ന് ഈ ഭൂമി ഒഴിയണമെന്നാവശ്യപ്പെട്ട് വനംവകുപ്പ് ഒക്ടോബര്‍ 27-ന് ഉത്തരവിടുകയും ചെയ്തു.
1994-ല്‍ റിസര്‍വ് വനമായി പ്രഖ്യാപിച്ച ഈ ഭൂമി കൈവശമാക്കി വനം നിയമം 64(എ) ലംഘനമാണ് ജേക്കബ് തോമസിന്റെ ഭാര്യ നടത്തിയിരിക്കുന്നത്. 1994 മുതല്‍ ഇവരുടെ പേരില്‍ കര്‍ണാടക വനംവകുപ്പിന്റെ കേസുകളുണ്ട്.
ഈ വനഭൂമിയില്‍ നിന്ന് 1998-ല്‍ കോടികള്‍ വിലമതിക്കുന്ന മരം മുറിച്ചു കടത്തിയെന്നും വനംവകുപ്പ് ആരോപിക്കുന്നുണ്ട്. നിലവില്‍ കര്‍ണാടക വനംവകുപ്പും ജേക്കബ് തോമസിന്റെ ഭാര്യയും കക്ഷികളായി കോടതിയില്‍ കേസുകള്‍ നടക്കുകയാണ്.
