സില്വര് കളറിലുള്ള ഫോണ് ഡ്യൂയല് റിയര് ക്യാമറയും ഫിംഗര് പ്രിന്റ് സ്കാനറും അടങ്ങിയതാണ്
സൗത്ത് കൊറിയന് ഇലക്ട്രോണിക് കമ്പനിയായ എല്ജിയുടെ പുതിയ ജി-6 സ്മാര്ട്ട് ഫോണിന്റെ ചിത്രങ്ങള് പുറത്തായി. ജി-6, ഫെബ്രുവരി 26-ന് ഔദ്യോഗികമായി അവതരിപ്പിക്കുമെന്നും ഫെബ്രുവരി 27-ന് ബാഴ്സലോണയില് ആരംഭിക്കുന്ന മൊബൈല് വേള്ഡ് കോണ്ഗ്രസില് ഫോണ് പുറത്തിറക്കുമെന്നുമായിരുന്നു കമ്പിനി പറഞ്ഞിരുന്നത്. എന്നാല് ഗൂഗിളിലൂടെ എങ്ങനെയോ ജി-6 ന്റെ ചിത്രങ്ങള് പുറത്താവുകയായിരുന്നു. ഫോണിന്റെ ക്ലോസപ്പ് ലുക്കിലുള്ള ചിത്രമാണ് പുറത്തുവന്നിരിക്കുന്നത്.
സില്വര് കളറിലുള്ള ഫോണ് ഡ്യൂയല് റിയര് ക്യാമറയും ഫിംഗര് പ്രിന്റ് സ്കാനറും അടങ്ങിയതാണ്. ഫോണിന്റെ മുന്ഭാഗം ഉരുണ്ട വശങ്ങളോട് കൂടിയാണ്. ഒരുപ്പാട് നൂതന സംവിധാനങ്ങള് അടങ്ങിയ ജി-6 എന്ന് മുമ്പ് തന്നെ വാര്ത്തകളില് ഇടം നേടിയിരുന്നു. സാംസഗിന്റെ നോട്ട് സിരീസിലുള്ള ഫോണുകള്ക്ക് വെല്ലുവിളിയുര്ത്താനാണ് എല്ജി ഒരുങ്ങുന്നത്.
നോട്ട് സിരീസ് പൊട്ടിത്തെറിച്ച് സുരക്ഷാഭീഷണി വ്യാപകമായത്തോടെ വിപണി പിടിക്കാമെന്നാണ് എല്ജി കരുതുന്നത്. ജി6-ല് ഹീറ്റ് പൈപ്പുകള് ഉണ്ടാകുമെന്നും ഇത് ബാറ്ററി അമിതമായി ചൂടാകുന്നതിനെ തടയുന്നുതിനാല് ഫോണിന്റെ ബാറ്ററി കൂടുതല് സുരക്ഷിതമായിരിക്കുമെന്നുമാണ് പറയുന്നത്. 150 ഡിഗ്രി സെല്ഷ്യസായി ചൂടിലും ഫോണ് പൊട്ടിത്തെറിക്കില്ലെന്ന് കമ്പനി വ്യക്തമാക്കിയിരുന്നു.
വെള്ളത്തെ ചെറുക്കുന്ന മെറ്റല് ബോഡിയുള്ള ഫോണിന്റെ പ്രോസസര് സ്നാപ്പ്ഡ്രാഗണ് 821- ആണ്. 3200 എംഎഎച്ച് ബാറ്ററിയുള്ള ജി-6 നെക്കുറിച്ചുള്ള ഒരു വാര്ത്ത വൈറലസ് ചാര്ജിംഗ് സംവിധാനമുണ്ടെന്നാണ്. എല്ജി വക്താകള് വെളിപ്പെടുത്തിയിരിക്കുന്നത് ഫോണ് ക്വാഡ് ഡാക്കും, മികച്ച സൗണ്ടുമുള്ളതാണെന്നാണ്. കൂടാതെ ഇതിനായി വി20 എന്ന സംവിധാനവും പുതിയതായി എത്തുന്നുണ്ട്. ആന്ഡ്രോയിഡ് ഉപയോഗിക്കുന്ന സ്മാര്ട്ട്ഫോണ് വരുന്ന മാര്ച്ചില് വിപണിയില് എത്തുമെന്നാണ് കമ്പിനി പറയുന്നത്.