അത്ഭുതം നിറഞ്ഞ ഒരു ബസില് യാത്ര ചെയ്യാന് നിങ്ങള്ക്കും ആഗ്രഹമുണ്ടോ? എങ്കില് അങ്ങനെയൊരു ഡബിള് ഡക്കര് ബസ് ഉണ്ട്.
ജെകെ റൗളിംഗിന്റെ ഹാരി പോട്ടര് ആന്ഡ് ദി പ്രിസണര് ഓഫ് ആസ്കബാനിലെ മാജിക്കല് ബസിനെ കുറിച്ച് നിങ്ങള് ഓര്ക്കുന്നുണ്ടോ ? ഇത്തരത്തില് അത്ഭുതം നിറഞ്ഞ ഒരു ബസില് യാത്ര ചെയ്യാന് നിങ്ങള്ക്കും ആഗ്രഹമുണ്ടോ? എങ്കില് അങ്ങനെയൊരു ഡബിള് ഡക്കര് ബസ് ഉണ്ട്. ബെര്ട്രാംസ് ഹോട്ടല് എന്നാണ് ഈ ബസിന്റെ പേര്.
അഗത ക്രിസ്റ്റിയുടെ പുസ്തകങ്ങളും പോസ്റ്ററുകളുമാണ് ഈ ബസ് നിറയെ. 18 വര്ഷം പഴക്കമുള്ള ഈ ബസ് 1950-കളെ ഓര്മ്മപ്പിക്കുന്ന രീതിയിലാണ് പുനര്നിര്മ്മിച്ചിരിക്കുന്നത്. എങ്കിലും അത്യാവശ്യമുള്ള ആധുനിക സംവിധാനങ്ങള് ഈ ബസിലുണ്ട്.A
ബസിന്റെ ഗ്രൗണ്ട് ഫ്ളോറില് രണ്ട് സിംഗിള് ബെഡും, ഒരു സോഫ ബെഡും, ബാറും, 1950-കളിലെ ഹിറ്റ് ഗാനങ്ങള് അടങ്ങിയ ഒരു റെക്കോര്ഡ് പ്ലെയറും ഉണ്ട്. പഴയ രീതിയിലുള്ള അടുക്കള, ഭക്ഷണം കഴിക്കുന്നതിനുള്ള ഇടം, പഴയ ടിവി സെറ്റ്, ബുക്ക് ഷെല്ഫ് എന്നിവ ബസില് ഒരുക്കിയിട്ടുണ്ട്.
പച്ചപ്പ് നിറഞ്ഞ ഹാര്ട്ട്ലാന്ഡ് ഗ്രാമത്തിലാണ് ഈ ബസുള്ളത്. മീന് പിടിക്കാന് അനുയോജ്യമായ രണ്ട് കായലുകള് ഇതിനോട് ചേര്ന്നുണ്ട്. സന്ദര്ശകര്ക്ക് ഗ്രാമത്തിലെ കരകൗശല വസ്തുക്കളുടെ കടകളും, കഫേകളും, റെസ്റ്റുറന്റുകളും സന്ദര്ശിക്കാം. ബെര്ട്രാംസ് ഹോട്ടലില് അഞ്ച് പേര്ക്ക് താമസിക്കാം. ഒരു രാത്രി ഇവിടെ തങ്ങുന്നതിന് ഏകദേശം 45,000 രൂപയാണ് ചിലവ്.