അഴിമുഖം പ്രതിനിധി
സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് തിയതികള്‍ പ്രഖ്യാപിച്ചു. രണ്ട്ഘട്ടമായിട്ടാണ് തെരഞ്ഞെടുപ്പ് നടക്കുന്നത്. ഒന്നാംഘട്ടം നവംബര്‍ രണ്ടിനും രണ്ടാഘട്ടം നവംബര്‍ അഞ്ചിനും നടക്കും. ഫലപ്രഖ്യാപനം നവംബര്‍ ഏഴിനും നടക്കും. ഓരോഘട്ടത്തിലും ഏഴ് ജില്ലകളില്‍ വീതമാണ് തെരഞ്ഞെടുപ്പ് നടക്കുന്നത്. ഈ മാസം ഏഴിന് വിജ്ഞാപനം പുറപ്പെടുവിക്കും. ഈ മാസം 14 വരെ നാമനിര്‍ദ്ദേശ പത്രിക സമര്‍പ്പിക്കാം. സൂക്ഷ്മ പരിശോധന പതിനഞ്ചിനും നടക്കും. പത്രിക പിന്‍വലിക്കാനുള്ള അവസാന തിയതി ഈ മാസം 17-നാണ്. ഇന്ന് മുതല്‍ പെരുമാറ്റച്ചട്ടം നിലവില്‍ വന്നു. രാവിലെ ഏഴ് മണിമുതല്‍ വൈകിട്ട് ഏഴ് മണിവരെയാണ് വോട്ടിങ് സമയം. വോട്ടിംഗ് മെഷീനില്‍ നോട്ടയും ഫോട്ടോയും ഇല്ല.
