അഴിമുഖം പ്രതിനിധി
ഹൈദരാബാദ് സര്വ്വകലാശാല ഹോസ്റ്റലില് ഒന്നാം വര്ഷ വിദ്യാര്ത്ഥി തൂങ്ങിമരിച്ചു. എംഎഫ്എ പഠന വിഭാഗത്തിലെ വിദ്യാര്ത്ഥിയായ പ്രവീണ് കുമാറാണ് ആത്മഹത്യ ചെയ്തത്.
ഹോസ്റ്റലിലെ എല് ബ്ലോക്കിലെ റൂം നമ്പര് 204-ല് ഇന്നു രാവിലെ നാലുമണിക്കാണ് പ്രവീണിനെ തൂങ്ങിമരിച്ച നിലയില് സഹപാഠികള് കണ്ടത്. തുടര്ന്ന് അവര് സര്വ്വകലാശാല മെഡിക്കല് ഓഫീസറെ വിവരമറിയിക്കുകയായിരുന്നു.
തെലുങ്കാനയില് ഉള്പ്പെടുന്ന ശാദ്ദ്നഗര് സ്വദേശിയാണ് പ്രവീണ്. പ്രവീണിന്റെ മരണത്തിനുള്ള കാരണം വെളിവായിട്ടില്ല. ആത്മഹത്യകുറിപ്പോ മറ്റു വിവരങ്ങളോ ലഭിച്ചിട്ടില്ല എന്നു പോലീസ് അറിയിച്ചു.