ബിസിസിഐയുടെ നാലംഗ സംഘമാണ് കൊല്ക്കത്തയില് ഹസിന് ജഹാനെ കണ്ടത്. മുഹമ്മദ് ഷമി പാകിസ്ഥാന് സ്വദേശിയായ അലിഷ്ബ എന്ന സ്ത്രീയില് നിന്ന് പണം വാങ്ങിയിട്ടുണ്ടെന്ന് ഹസിന് ജഹാന് പറഞ്ഞിരുന്നു.
ഇന്ത്യന് ഫാസ്റ്റ് ബൗളര് മുഹമ്മദ് ഷമിക്കെതിരായ ഒത്തുകളി, കോഴ ആരോപണങ്ങള് അന്വേഷിക്കാനെത്തിയ ബിസിസിഐ സംഘം ഷമിയുടെ ഭാര്യ ഹസിന് ജഹാനുമായി സംസാരിച്ചു. ബിസിസിഐയുടെ നാലംഗ സംഘമാണ് കൊല്ക്കത്തയില് ഹസിന് ജഹാനെ കണ്ടത്. മുഹമ്മദ് ഷമി പാകിസ്ഥാന് സ്വദേശിയായ അലിഷ്ബ എന്ന സ്ത്രീയില് നിന്ന് പണം വാങ്ങിയിട്ടുണ്ടെന്ന് ഹസിന് ജഹാന് പറഞ്ഞിരുന്നു.
ലാല് ബസാറിലെ കൊല്ക്കത്ത പൊലീസ് ആസ്ഥാനത്ത് വച്ചാണ് ബിസിസിഐ സംഘം ഹസിന്റെ മൊഴിയെടുത്തത്. മൂന്ന് മണിക്കൂറിലധികം ഇവര് ഹസിനുമായി സംസാരിച്ചതായാണ് അഭിഭാഷകന് പറയുന്നത്. മാര്ച്ച് 14ന് ആരോപണം സംബന്ധിച്ച് അന്വേഷിക്കാന് സുപ്രീംകോടതി നിയമിച്ച സമിതി ബിസിസിഐയോട് ആവശ്യപ്പെട്ടിരുന്നു. ഏഴ് ദിവസത്തെ സമയമാണ് വിനോദ് റായിയുടെ നേതൃത്വത്തിലുള്ള സമിതി ബിസിസിഐ ആന്റി കറപ്ഷന് യൂണിറ്റിന് അന്വേഷണം നടത്തി റിപ്പോര്ട്ട് സമര്പ്പിക്കാന് നല്കിയിരുന്നത്. നിരവധി ഗുരുതര ആരോപണങ്ങളും പരാതികളുമായി മുഹമ്മദ് ഷമിക്കെതിരെ ഭാര്യ ഉന്നയിച്ചിരിക്കുന്നത്. പൊലീസ് ഷമിക്കെതിരെ ജാമ്യമില്ലാ വകുപ്പുകള് ചുമത്തി കേസെടുത്തിട്ടുണ്ട്. വധശ്രമം, ഭീഷണി, ബലാത്സംഗ ശ്രമം തുടങ്ങിയവയെല്ലാം ചുമത്തിയിട്ടുണ്ട്.
ഐപിഎല്ലും നഷ്ടമാകും? ക്രിക്കറ്റില് നിന്നും ഷമി ഹിറ്റ് വിക്കറ്റ് ആയി പുറത്തേക്കോ!