കാശ്മീരി ചീറ്റ’ എന്ന ഗ്രൂപ്പാണ് ഹാക്ക് ചെയ്തത്
സാഹിത്യകാരന്‍ എം.ടി. വാസുദേവന്‍നായരുടെ ഔദ്യോഗിക വെബ്‌സൈറ്റ് ഹാക്ക് ചെയ്തു. കഴിഞ്ഞ ദിവസം തിരുവനന്തപുരം വിമാനത്താവളം വെബ്‌സൈറ്റ് ഹാക്ക് ചെയ്ത ‘കാശ്മീരി ചീറ്റ’ എന്ന ഗ്രൂപ്പ് തന്നെയാണ് എംടിയുടെ വെബ്‌സൈറ്റും ഹാക്ക് ചെയ്തത്. http://mtvasudevannair.com എന്ന വെബ്‌സൈറ്റാണ് ഹാക്ക് ചെയ്തിരിക്കുന്നത്., ‘മെസ് വിത്ത് ദ ബെസ്റ്റ്, ഡൈ ലൈക്ക് ദ റെസ്റ്റ്’ തുടങ്ങിയ സന്ദേശങ്ങളാണ് പാക് സൈബര്‍ അറ്റാക്കേഴ്‌സ് എന്ന് സ്വയം വിശേഷിപ്പിക്കുന്ന ടീം സൈറ്റില്‍ പോസ്റ്റ് ചെയ്തിരിക്കുന്നത്.
നോട്ട് നിരോധനത്തില്‍ പ്രധാനമന്ത്രി മോദിയെ വിമര്‍ശിച്ചു സംസാരിച്ചു എന്നതിന്റെ പേരില്‍ ബിജെപി-സംഘപരിവാറിന്റെ ഭാഗത്തു നിന്നും എംടിക്കെതിരേ കടുത്ത രീതിയിലുള്ള വിമര്‍ശനങ്ങള്‍ ഉണ്ടാകുന്നതിനിടയിലാണ് ഇപ്പോള്‍ അദ്ദേഹത്തിന്റെ വെബ്‌സൈറ്റും ഹാക്ക് ചെയ്തിരിക്കുന്നത്.
