അഴിമുഖം പ്രതിനിധി
മൂന്നാറിലെ തേയില തോട്ട തൊഴിലാളികള്ക്ക് ദിവസം 500 രൂപ കൂലി നല്കുന്നത് അപ്രായോഗികമെന്ന് തൊഴില് മന്ത്രി ഷിബു ബേബി ജോണ് അഭിപ്രായപ്പെട്ടു. തൊഴിലാളികളുടെ ഈ ആവശ്യത്തെ അംഗീകരിക്കാനാകില്ലെന്നും മന്ത്രി പറഞ്ഞു. ഇത് അപ്രായോഗികമാണ്. തൊഴിലാളികളുടെ ആവശ്യം അംഗീകരിച്ച് ശമ്പള വര്ദ്ധനവ് നടപ്പിലാക്കിയാല് തോട്ടം മേഖല സ്തംഭിക്കും. തോട്ടം ഉല്പന്നങ്ങള്ക്ക് വിലയിടിവ് നേരിടുകയുമാണ്. ദക്ഷിണേന്ത്യയില് ഏറ്റവും കൂടുതല് വില കുറവുള്ള തേയില കേരളത്തിലേതാണെന്ന് മന്ത്രി കൂട്ടി ചേര്ത്തു.
