അഴിമുഖം പ്രതിനിധി
രഘുറാം രാജനെതിരെയും ധനമന്ത്രാലയത്തിലെ ഉന്നത ഉദ്യോഗസ്ഥര്ക്കെതിരേയും മാസങ്ങളായി അഭിപ്രായപ്രകടനം നടത്തുന്ന സുബ്രഹ്മണ്യം സ്വാമിയുടെ നിലപാടുകള് ‘അനൌചിത്യപരമായിപ്പോയെന്ന്’ പ്രധാനമന്ത്രി നരേന്ദ്ര മോദി.
രഘുറാം രാജന് “കുറഞ്ഞ രാജ്യസ്നേഹമുള്ള” വ്യക്തിയല്ല എന്നും “വ്യവസ്ഥിതിക്കും മുകളിലാണ് താന് എന്നാരെങ്കിലും ധരിക്കുന്നുണ്ടെങ്കില് ആ ധാരണ തെറ്റാണെന്നും” മോദി പറഞ്ഞു. ഈ പ്രസ്താവനയോടെ സുബ്രഹ്മണ്യം സ്വാമിക്ക് പരോക്ഷമായ താക്കീത് നല്കിയിരിക്കുകയാണ് നരേന്ദ്ര മോദി.
റിസര്വ് ബാങ്ക് ഗവര്ണര് രഘുറാം രാജനും അരവിന്ദ് സുബ്രമണ്യനും സാമ്പത്തികകാര്യ സെക്രട്ടറി ശക്തികാന്ത ദാസിനും എതിരെ ഈയിടെയായി സുബ്രഹ്മണ്യം സ്വാമി നടത്തിയ പ്രസ്താവനകളില് ബിജെപി മൌനം പാലിച്ചിരുന്നു. ഈ അവസരത്തിലാണ് പ്രധാനമന്ത്രിയുടെ പ്രസ്താവനയെന്നത് ശ്രദ്ധേയമാണ്.
ധനമന്ത്രി അരുണ് ജയ്റ്റ്ലിക്കെതിരേയും പരോക്ഷമായി സ്വാമി അഭിപ്രായ പ്രകടനം നടത്തിയിരുന്നു.