ജനങ്ങളെ പുറത്തുനിര്ത്താതെ, കോര്പ്പറേറ്റ് വികസന മാതൃകകളെ പുറത്തുനിര്ത്തി, കര്ഷകരെയും തൊഴിലാളികളെയും പരിസ്ഥിതിയെയും ഭൂമിയെയും വിശ്വാസത്തിലെടുത്ത് മുന്നോട്ട് പോവുകയല്ലാതെ ഇടതുപക്ഷത്തിന് വേറെ മാര്ഗങ്ങളില്ല.
ലോക്സഭ തിരഞ്ഞെടുപ്പ് ഫലം ഞെട്ടിക്കുന്നതാണ് എന്നും ഇത് കള്ളനെ കാവല് ഏല്പ്പിക്കുന്ന ജനവിധിയാണ് എന്നും വിഎസ് അച്യുതാനന്ദന്. മുഖ്യശത്രുവിനെ തുരത്തുന്ന കാര്യത്തില്, പ്രതിപക്ഷ പാര്ട്ടികള്ക്കിടയില് നിലനിന്ന യോജിപ്പില്ലായ്മയും ഉള്പ്പോരുമെല്ലാം ഈ സ്ഥിതിവിശേഷത്തിലേക്ക് നയിച്ചു എന്ന് സാമാന്യമായി അനുമാനിക്കാം. കേരള ജനത ബിജെപിയെ തുരത്തുന്നതില് വിജയിച്ചു എന്നത് ആശ്വാസകരമാണ് – വിഎസ് പറയുന്നു.
അതേസമയം ജനങ്ങളെ പുറത്തുനിര്ത്താതെ, കോര്പ്പറേറ്റ് വികസന മാതൃകകളെ പുറത്തുനിര്ത്തി, കര്ഷകരെയും തൊഴിലാളികളെയും പരിസ്ഥിതിയെയും ഭൂമിയെയും വിശ്വാസത്തിലെടുത്ത് മുന്നോട്ട് പോവുകയല്ലാതെ ഇടതുപക്ഷത്തിന് വേറെ മാര്ഗങ്ങളില്ല. അതാണ് ഇടതുപക്ഷ രാഷ്ട്രീയം എന്നും വിഎസ് പറയുന്നു.
വിഎസിന്റെ ഫേസ്ബുക്ക് പോസ്റ്റ്:
ലോകസഭാ തെരഞ്ഞെടുപ്പ് ഫലം ഞെട്ടിക്കുന്നതാണ്. കള്ളനെ കാവലേല്പ്പിക്കുക എന്നൊക്കെ പറയുന്നതുപോലൊരു സ്ഥിതിവിശേഷമാണ് സംജാതമായിട്ടുള്ളത്. മുഖ്യശത്രുവിനെ തുരത്തുന്ന കാര്യത്തില്, പ്രതിപക്ഷ പാര്ട്ടികള്ക്കിടയില് നിലനിന്ന യോജിപ്പില്ലായ്മയും ഉള്പ്പോരുമെല്ലാം ഈ സ്ഥിതിവിശേഷത്തിലേക്ക് നയിച്ചു എന്ന് സാമാന്യമായി അനുമാനിക്കാം. കേരള ജനത ബിജെപിയെ തുരത്തുന്നതില് വിജയിച്ചു എന്നത് ആശ്വാസകരമാണ്.
അതോടൊപ്പം, ഇടതുപക്ഷത്തിന്റെ അടിത്തറ കെട്ടിപ്പടുക്കേണ്ടതെങ്ങനെ എന്ന കാര്യത്തില് പുനര് വിചിന്തനം നടത്തേണ്ടതുണ്ട്. പറ്റിയ തെറ്റുകള് പരിശോധിക്കുമെന്ന് സംസ്ഥാന സെക്രട്ടറി പറഞ്ഞുകഴിഞ്ഞു.
തെരഞ്ഞെടുപ്പ് ഫലങ്ങളില് നിരാശരാവേണ്ട കാര്യമില്ല. ഒരു ജനവിധിയും ശാശ്വതമല്ല. ജനങ്ങളോടൊപ്പം നിന്ന്, ജനങ്ങളെ പുറത്തുനിര്ത്താതെ, കോര്പ്പറേറ്റ് വികസന മാതൃകകളെ പുറത്തുനിര്ത്തി, കര്ഷകരെയും തൊഴിലാളികളെയും പരിസ്ഥിതിയെയും ഭൂമിയെയും വിശ്വാസത്തിലെടുത്ത് മുന്നോട്ട് പോവുകയല്ലാതെ ഇടതുപക്ഷത്തിന് വേറെ മാര്ഗങ്ങളില്ല. അതാണ് ഇടതുപക്ഷ രാഷ്ട്രീയം.