വാര്‍ത്ത ചോര്‍ത്തല്‍ കുറ്റം ആരോപിച്ചു 2013ലാണ് വികെ ശശിധരന്‍, കെ ബാലകൃഷ്ണന്‍, എ സുരേഷ് എന്നിവരെ സിപിഎം പുറത്താക്കിയത്
വി എസ് അച്യുതാനന്ദനെതിരെ കടുത്ത വിമര്‍ശനവുമായി മുന്‍ പേഴ്സണല്‍ അസിസ്റ്റന്‍റ് എ സുരേഷ്. പാര്‍ട്ടിയിലേക്ക് തിരിച്ചുവരാന്‍ തന്നെ വി എസ് സഹായിച്ചില്ലെന്ന് സുരേഷ് പറഞ്ഞു. താന്‍ ആവശ്യപ്പെടാതെ തന്നെ വി എസ് സഹായിക്കേണ്ടതാണ്.
വാര്‍ത്ത ചോര്‍ത്തല്‍ കുറ്റം ആരോപിച്ചു 2013ലാണ് വികെ ശശിധരന്‍, കെ ബാലകൃഷ്ണന്‍, എ സുരേഷ് എന്നിവരെ സിപിഎം പുറത്താക്കിയത്. വി എസ് കൂടി നിര്‍ദ്ദേശിച്ചിട്ടാണ് സുരേഷ് പാര്‍ട്ടിക്ക് അപ്പീല്‍ നല്‍കിയത്.
ബിജെപി നേതാക്കളായ ഓകെ വാസുവിനെയും എ അശോകനെയും കൂടെക്കൂട്ടുകയും മുന്‍ എം പി എസ് ശിവരാമനും എം ആര്‍ മുരളിക്കും വേണ്ടി വാതില്‍ തുറന്നിടുകയും ചെയ്ത പാര്‍ട്ടി താനടക്കമുള്ളവരെ അംഗീകരിക്കാത്തത് എന്തുകൊണ്ടാണെന്ന് സുരേഷ് ചോദിച്ചു. ഇനിയും സിപിഎം അനുഭാവിയായി തുടരാനാണ് താല്പ്പര്യം എന്നും സുരേഷ് പറഞ്ഞു.
