പിഎസ് സി ലിസ്റ്റിൽ നിന്നും അഡ്വൈസ് മെമ്മോ നൽകിയവർക്ക് എന്തിനാണ് നിയമനം നൽകാൻ മടിക്കുന്നതെന്നും കോടതി ആരാഞ്ഞു.
എം പാനൽ ജീവനക്കാരെ പിരിച്ചുവിട്ടതിന് പിറകെ പിഎസ് സി ലിസ്റ്റിൽ നിന്നുള്ള പുതിയ ജീവനക്കാരെ രണ്ട് ദിവസത്തിനകം നിയമിക്കണമെന്ന് ഹൈക്കോടതി. പുതിയതായി നിയമിക്കുന്ന ജീവനക്കാർക്ക് പരിശീലനത്തിന്റെ ആവശ്യമില്ലെന്നും കോടതി ഇന്നു പുറപ്പെടുവിച്ച ഇടക്കാല ഉത്തരവിൽ വ്യക്തമാക്കുന്നു,
പിഎസ് സി ലിസ്റ്റിൽ നിന്നും അഡ്വൈസ് മെമ്മോ നൽകിയവർക്ക് എന്തിനാണ് നിയമനം നൽകാൻ മടിക്കുന്നതെന്നും കോടതി ആരാഞ്ഞു. വിഷയത്തിൽ സർക്കാർ നടത്തുന്നത് ഭരണഘടനാ ലംഘനമാണെന്ന് ചൂണ്ടിക്കാട്ടിയ കോടതി കെഎസ്ആർടിസിയെ വിശ്വാസമില്ലെന്നും ഇടക്കാല ഉത്തരവിൽ പറയുന്നു.
അതേസമയം, എം പാനൽ ജീവനക്കാരുടെ പിരിച്ചുവിടൽ, പി എസ് സി ലിസ്റ്റിൽ നിന്നുള്ള നിയമനം എന്നിവ വ്യക്തമാക്കി കെഎസ്ആർടിസി കോടതിയിൽ പുതിയ സത്യവാങ്ങ് മുലം സമർപ്പിച്ചു. ജീവനക്കാരുടെ നിയമനം പുരോഗമിക്കുകയാണെന്ന് വ്യക്തമാക്കുന്നതാണ് പുതിയ സത്യവാങ്ങ് മൂലം. ഇന്നലെ മാത്രം 250 പുതിയ ജീവനക്കാരെ നിയമിച്ചെന്നും സത്യവാങ്ങ്മൂലം പറയുന്നു.
