മദ്യപിച്ച് വാഹനം ഓടിച്ചാല് പിഴ 10000 രൂപയാണ്.
ഗതാഗത നിയമ ലംഘനങ്ങള്ക്ക് കനത്ത പിഴയുമായി പുതിയ മോട്ടോര് വാഹന ഭേദഗതി നിയമം സെപ്തംബര് ഒന്ന് മുതല് മുതല് കേരളത്തില് പ്രാബല്യത്തില് വരും. ട്രാഫിക് കുറ്റകൃത്യങ്ങള്ക്ക് ഉയര്ന്ന പിഴ ഈടാക്കാനും പ്രായപൂര്ത്തിയാകാത്ത കുട്ടികള് ഉണ്ടാക്കുന്ന വാഹനാപകടങ്ങള്ക്ക് രക്ഷകര്ത്താക്കളെ മൂന്നു വര്ഷം ജയിലില് അടയ്ക്കാനും ഉള്പ്പെടെയുള്ള വമ്പന് ഭേദഗതികളോടെയാണ് നിയമം നടപ്പാക്കുന്നത്.
ഹെല്മറ്റ് ഇല്ലാതെ വാഹനമോടിച്ചാല് ഇനി പിഴ 1000 രൂപയാണ്. ഒപ്പം മൂന്ന് മാസത്തേക്ക് ലൈസന്സ് റദ്ദാക്കും. വാഹനം ഒടിക്കുന്നതിനിടെ മൊബൈല് ഫോണ് ഉപയോഗിച്ചാല് പിഴ 5000 രൂപയാണ് നിലവില് ഇത് 1000 രൂപയാണ്. മദ്യപിച്ച് വാഹനം ഓടിച്ചാല് പിഴ 10000 രൂപയാണ്.
സീറ്റ് ബെല്റ്റ് ഇട്ടില്ലെങ്കില് നിലവിലെ പിഴ 100 രൂപ ആണെങ്കില് സെപ്റ്റംബര് ഒന്ന് മുതല് അത് 1000 മാകും. അമിത വേഗത്തിന്റെ പിഴ 1000-2000 നിരക്കിലായിരിക്കും. നിലവില് ഇത് 400 രൂപയാണ്. അപകടപരമായ ഡ്രൈവിംഗിന് പിഴ പുതിയ നിയമത്തില് 5000 രൂപയായിരിക്കും. ട്രാഫിക്ക് നിയമലംഘനത്തിന് പിഴ 500 രൂപയായിരിക്കും.
ലൈസന്സ് ഇല്ലാതെ വാഹനമോടിച്ചാല് – 5000 രൂപ, പെര്മിറ്റില്ലാതെ ഓടിച്ചാല് – 10,000 രൂപ, എമര്ജന്സി വാഹനങ്ങള്ക്ക് മാര്ഗ്ഗതടസം സൃഷ്ടിച്ചാല് – 10,000 രൂപയും ഇന്ഷുറന്സ് ഇല്ലാത്ത വാഹനങ്ങള് ഓടിച്ചാല് – 2000 രൂപയും പിഴ ഈടാക്കും. വാഹന റജിസ്ട്രേഷനും, ലൈസന്സ് എടുക്കാനും ആധാര് നിര്ബന്ധമാക്കുമെന്നും പുതിയ നിയമം പറയുന്നുണ്ട്.
Read More :