ചര്ച്ചയില് കെഎസ്ആര്ടിസി എംഡി ടോമിന് തച്ചങ്കരി ധിക്കാരപരമായ നിലപാടാണ് സ്വീകരിച്ചതെന്നും യൂണിയന് നേതാക്കള് ആരോപിച്ചു.
കെഎസ്ആര്ടിസി എംഡിയുമായി യൂണിയന് നേതാക്കള് നടത്തിയ ചര്ച്ച പരാജയപ്പെട്ടു. ഇന്ന് അര്ധരാത്രി മുതല് കെഎസ്ആര്ടിസി ജീവനക്കാര് അനിശ്ചിതകാല പണിമുടക്ക് ആരംഭിക്കും. സമരമല്ലാതെ വേറെ വഴിയില്ലെന്നും ആവശ്യങ്ങള് അംഗീകരിച്ചുകിട്ടുംവരെ പണിമുടക്കില് നിന്ന് പിന്നോട്ടില്ലെന്നും സംയുക്തയൂണിയന് നേതാക്കള് ചര്ച്ചയ്ക്ക് ശേഷം പറഞ്ഞു. ചര്ച്ചയില് കെഎസ്ആര്ടിസി എംഡി ടോമിന് തച്ചങ്കരി ധിക്കാരപരമായ നിലപാടാണ് സ്വീകരിച്ചതെന്നും യൂണിയന് നേതാക്കള് ആരോപിച്ചു.
അതേസമയം സമരത്തില് നിന്ന് പിന്മാറിയില്ലെങ്കില് നടപടിയെടുക്കുമെന്നും എംഡി മുന്നറിയിപ്പ് നല്കി. സമരത്തിലുള്ള യൂണിയനുകളുടെ പല ആവശ്യങ്ങളും സര്ക്കാര് അംഗീകരിച്ചിട്ടുള്ളതാണ്. സമരത്തില് നിന്ന് പിന്മാറിയിട്ടില്ലെങ്കില് സര്ക്കാരുമായി ആലോചിച്ച് ഭാവിനടപടികളുമായി മുന്നോട്ടുപോവുമെന്നാണ് എംഡി മുന്നറിയിപ്പ് നല്കി.
ഡ്യൂട്ടി പരിഷ്കരണവുമായി ബന്ധപ്പെട്ട് ഗതാഗത സെക്രട്ടറി നല്കിയ ശുപാര്ശ നടപ്പാക്കുക, ശമ്പള പരിഷ്കരണ ചര്ച്ച തുടങ്ങുക, പിരിച്ചുവിട്ട താത്കാലിക ജീവനക്കാരെ തിരിച്ചെടുക്കുക എന്നീ ആവശ്യങ്ങള് യൂണിയനുകള് ഉന്നയിച്ചിരിക്കുന്നത്. ഭരണ, പ്രതിപക്ഷ യൂണിയനുകള് ഉള്പ്പെട്ട സമരസമിതിയാണ് പണിമുടക്ക് പ്രഖ്യാപിച്ചിരിക്കുന്നത്.