അഡീഷണല് ചീഫ് മജിസ്ട്രേറ്റ് ഹരീഷ് ഗോയലാണ് രാംദേവിനെതിരെ വാറണ്ട് പുറപ്പെടുവിച്ചത്
ഭാരത് മാതാ കീ ജയ് ഏറ്റുപറയാത്തവരുടെ തലവെട്ടുമെന്ന് പറഞ്ഞ കേസില് യോഗ ഗുരു ബാബ രാംദേവിനെതിരെ ജാമ്യമില്ലാ വാറണ്ട്. 2016 ഏപ്രിലില് നടന്ന സദ്ഭാവന സമ്മേളനത്തിലാണ് രാംദേവ് ഈ പരാമര്ശം നടത്തിയത്. ജാട്ട് പ്രക്ഷോഭത്തിന്റെ പശ്ചാത്തലത്തില് സമാധാനം പുനസ്ഥാപിക്കുന്നതിനായാണ് സദ്ഭാവന സമ്മേളനം നടത്തിയത്. കേസ് പരിശോധിച്ച് അഡീഷണല് ചീഫ് മജിസ്ട്രേറ്റ് ഹരീഷ് ഗോയലാണ് രാംദേവിനെതിരെ വാറണ്ട് പുറപ്പെടുവിച്ചത്.
കോണ്ഗ്രസ് നേതാവും ഹരിയാന മുന് മുഖ്യമന്ത്രിയുമായ സുഭാഷ് ഭദ്രയുടെ പരാതിയിലായിരുന്നു വിവാദ പരാമര്ശനതിനെതിരെ കേസ് രജിസ്റ്റര് ചെയ്തിരുന്നത്. ഇതെ തുടര്ന്ന് മെയ് 12-ന് രാംദേവിനെതിരെ കോടതി വാറണ്ട് പുറപ്പെടുവിച്ചിരുന്നു. വീണ്ടും കേസ് പരിശോധിച്ച കോടതി രാംദേവിന് ജാമ്യമില്ലാ വാറണ്ട് വിധിക്കുകയായിരുന്നു.
