പതിനെട്ട് സെന്റ് സ്ഥലം കയ്യേറിയിട്ടുണ്ടെന്നാണ് റിപ്പോര്‍ട്ടിലെ കണ്ടെത്തല്‍
ഗാതാഗത മന്ത്രി തോമസ് ചാണ്ടിക്കെതിരായ റിപ്പോര്‍ട്ട് പൂഴ്ത്തി. കൈനകരി വില്ലേജ് ഓഫീസര്‍ 6 വര്‍ഷം മുമ്പ് നല്‍കിയ റിപ്പോര്‍ട്ട് പൂഴ്ത്തിയെന്നാണ് തഹസില്‍ദാര്‍ക്ക് റിപ്പോര്‍ട്ട് ലഭിച്ചിരിക്കുന്നത്.
പതിനെട്ട് സെന്റ് സ്ഥലം കയ്യേറിയിട്ടുണ്ടെന്നാണ് റിപ്പോര്‍ട്ടിലെ കണ്ടെത്തല്‍. സര്‍ക്കാര്‍ മിച്ചഭൂമിയും പുറമ്പോക്ക് വഴിയുമുള്‍പ്പെടെ 18 സെന്റ് സ്ഥലം കയ്യേറിയെന്നായിരുന്നു റിപ്പോര്‍ട്ടില്‍ വ്യക്തമാക്കിയിരുന്നത്. കയ്യേറിയ ഭൂമി നികത്തിയെന്നും റിപ്പോര്‍ട്ടില്‍ പറയുന്നു. എന്നാല്‍ ഈ റിപ്പോര്‍ട്ടില്‍ യാതൊരു നടപടിയുമുണ്ടായിട്ടില്ല.
തോമസ് ചാണ്ടിയ്‌ക്കെതിരായ കൂടുതല്‍ ആരോപണങ്ങള്‍ പുറത്തുവന്നിട്ടും മന്ത്രിയെ സംരക്ഷിക്കുന്ന നിലപാടാണ് മുഖ്യമന്ത്രി പിണറായി വിജയന്‍ സ്വീകരിക്കുന്നതെന്ന് ആരോപണം ഉയര്‍ന്നിട്ടുണ്ട്. തോമസ് ചാണ്ടി മന്ത്രി സഭയില്‍ നിന്നും പുറത്തു പോകണമെന്ന് കോണ്‍ഗ്രസും ബിജെപിയും ആവശ്യപ്പെട്ടു.
