റദ്ദാക്കിയ നോട്ട് മാറ്റിയെടുക്കാന് ബാങ്കിന് മുന്നിലും പുതിയ നോട്ടിനു വേണ്ടി എടിഎമ്മിന് മുന്നിലും ക്യൂ നില്ക്കുന്നതിനിടെ മരിച്ച നാലുപേരുടെ കുടുംബങ്ങള്ക്ക് സഹായം ലഭിക്കും.
നോട്ട് നിരോധനവുമായി ബന്ധപ്പെട്ട് ബാങ്കുകള്ക്കും എടിഎമ്മുകള്ക്കും മുമ്പില് പഴയ നോട്ട് മാറാന് ക്യൂ നില്ക്കവേ മരിച്ചവരുടെ കുടുംബങ്ങള്ക്ക് ധനസഹായം നല്കാന് മന്ത്രിസഭായോഗത്തില് തീരുമാനം. രണ്ട് ലക്ഷം രൂപ വീതം സഹായം നല്കാനാണ് തീരുമാനിച്ചിരിക്കുന്നത്.
റദ്ദാക്കിയ നോട്ട് മാറ്റിയെടുക്കാന് ബാങ്കിന് മുന്നിലും പുതിയ നോട്ടിനു വേണ്ടി എടിഎമ്മിന് മുന്നിലും ക്യൂ നില്ക്കുന്നതിനിടെ മരിച്ച നാലുപേരുടെ കുടുംബങ്ങള്ക്ക് സഹായം ലഭിക്കും. സി ചന്ദ്രശേഖരന് (68 വയസ്സ്, കൊല്ലം), കാര്ത്തികേയന് (75, ആലപ്പുഴ), പിപി പരീത് (തിരൂര്, മലപ്പുറം), കെകെ ഉണ്ണി (48, കെ.എസ്.ഇ.ബി, കണ്ണൂര്) എന്നിവരാണ് ഇത്തരത്തില് മരിച്ചത്.