വോട്ടിംഗ് യന്ത്രങ്ങളില് ഉപയോഗിക്കുന്ന കേബിളുകള് ആരാണ് നിര്മ്മിക്കുന്നത് എന്ന് അറിയാനായി വിവരാവകാശ നിയമപ്രകാരം അപേക്ഷ കൊടുത്ത് അതിനായി കാത്തിരിക്കുകയായിരുന്നു ഗൗരി ലങ്കേഷ് എന്ന് സയ്ദ് ഷൂജ പറഞ്ഞു.
മാധ്യമപ്രവര്ത്തക ഗൗരി ലങ്കേഷ് കൊല്ലപ്പെട്ടത് ഇവിഎം ഹാക്കിംഗ് തിരഞ്ഞെടുപ്പ് അട്ടിമറി പുറത്തുവരാനിരിക്കെ എന്ന് യുഎസ് ഹാക്കര് സയ്ദ് ഷൂജ. വോട്ടിംഗ് യന്ത്രങ്ങളില് ഉപയോഗിക്കുന്ന കേബിളുകള് ആരാണ് നിര്മ്മിക്കുന്നത് എന്ന് അറിയാനായി വിവരാവകാശ നിയമപ്രകാരം അപേക്ഷ കൊടുത്ത് അതിനായി കാത്തിരിക്കുകയായിരുന്നു ഗൗരി ലങ്കേഷ് എന്ന് സയ്ദ് ഷൂജ പറഞ്ഞു. എല്ലാ ദിവസവും ചാനല് ചര്ച്ചയില് വരുന്നൊരു മാധ്യമപ്രവര്ത്തകനോട് ഞാന് ഇക്കാര്യം പറഞ്ഞിരുന്നു. എന്നാല് അയാള് ഒന്നും ചെയ്തില്ല – ഷൂജ കുറ്റപ്പെടുത്തി.
ബിജെപി നേതാവും മുന് കേന്ദ്ര മന്ത്രിയുമായ ഗോപിനാഥ് മുണ്ടേയുടേത് അപകടമരണമല്ലെന്നും ആസൂത്രിത കൊലപാതകമാണ് എന്നും 2014ലെ ലോക് സഭ തിരഞ്ഞെടുപ്പില് വോട്ടിംഗ് യന്ത്രങ്ങള് ഹാക്ക് ചെയ്ത് തിരഞ്ഞെടുപ്പ് അട്ടിമറിച്ചാണ് ബിജെപി ജയിച്ചത് എന്ന വിവരം അറിയാമായിരുന്നത് കൊണ്ടാണ് മുണ്ടെ കൊല്ലപ്പെട്ടത് എന്നും ഷൂജ ഇന്നലെ പറഞ്ഞിരുന്നു. 2015ലെ ഡല്ഹി നിയമസഭ തിരഞ്ഞെടുപ്പില് ആം ആദ്മി പാര്ട്ടി വന് വിജയം നേടിയതും വോട്ടിംഗ് യന്ത്രത്തില് തിരിമറി നടത്തിയാണെന്ന് ഷൂജ ആരോപിച്ചിട്ടുണ്ട്. സമാജ് വാദി പാര്ട്ടിയും ബി എസ് പിയുമടക്കം വിവിധ കക്ഷികള് ഇവിഎം ഹാക്കിംഗിനായി തന്നെ സമീപിച്ചിരുന്നതായും ഷൂജ ആരോപിക്കുന്നു.