തിരുവനന്തപുരം വിമാനത്താവളത്തിന്റെ സ്വകാര്യവൽക്കരണ നീക്കങ്ങളിൽ നിന്ന് കേന്ദ്രസർക്കാർ പിന്മാറണമെന്നും പിണറായി ആവശ്യപ്പെട്ടു
തിരുവനന്തപുരം, കോഴിക്കോട് വിമാനത്താവളങ്ങൾ ഏറ്റെടുക്കാൻ സംസ്ഥാന സർക്കാർ തയാറാണെന്ന് മുഖ്യമന്ത്രി പിണറായി വിജയൻ. തിരുവനന്തപുരം വിമാനത്താവളത്തിന്റെ സ്വകാര്യവൽക്കരണ നീക്കങ്ങളിൽ നിന്ന് കേന്ദ്രസർക്കാർ പിന്മാറണമെന്നും പിണറായി ആവശ്യപ്പെട്ടു. കണ്ണൂർ വിമാനത്താവളത്തിന്റെറ ഉദ്ഘാടനം നിർവഹിച്ച് സംസാരിക്കുകയായിരുന്നു മുഖ്യമന്ത്രി.
അതെ സമയം കണ്ണൂർ വിമാനത്തവാളത്തിന്റെ ഉദ്ഘാടനം വൈകിച്ചതിന്റെ കാരണം യു.ഡി.എഫാണെന്ന് പിണറായി വിജയന്‍ കുറ്റപ്പെടുത്തി. 2001 മുതൽ 2006 വരെ യു.ഡി.എഫ് ഭരണകാലത്ത് വിമാനത്താവളത്തിൻറ പ്രവർത്തനം നിശ്ചലാവസ്ഥയിലായിരുന്നു.
തുടർന്ന് 2006ൽ വി.എസ് സർക്കാർ അധികാരത്തിലെത്തിയാണ് പ്രവർത്തനങ്ങൾ പുനഃരാരംഭിച്ചത്. 2016ൽ വിമാനത്താവളത്തിന്റെ പ്രവർത്തനം തുടങ്ങിയെന്ന പ്രതീതി ഉണ്ടാക്കാൻ യു.ഡി.എഫ് ശ്രമിച്ചു. എവിടെയും ഇറക്കാവുന്ന വ്യോമസേന വിമാനം ഇറക്കിയാണ് ഇൗയൊരു പ്രതീതി സൃഷ്ടിച്ചെടുത്തതെന്നും പിണറായി വിജയൻ പറഞ്ഞു.
വിമാനത്താവള ടെര്‍മിനല്‍ മുഖ്യമന്ത്രി ഉദ്ഘാടനം ചെയ്തു. ഉത്സവാന്തരീക്ഷത്തിലായിരുന്നു ഫ്ലാഗ് ഓഫ്. വിവിധ കലാപരിപാടികളോടെയായിരുന്നു ഉദ്ഘാടന ചടങ്ങുകള്‍ ആരംഭിച്ചത്. ഒരു ലക്ഷത്തിലധികം പേരാണ് ചടങ്ങുകള്‍ വീക്ഷിക്കാനെത്തിയത്.
കണ്ണൂരില്‍ ആദ്യ വിമാനം ഇറക്കിയത് അച്ഛന്‍; ഇന്ന് ആദ്യ യാത്രവിമാനം ഇറക്കുന്നത് മകന്‍
