പ്രധാനമന്ത്രി നരേന്ദ്ര മോദിയുമായി താന് സംസാരിച്ചെന്നും കേരളത്തിന്റെ ചരിത്രത്തില് സമാനതകളില്ലാത്ത ദുരിതം നേരിടാന് പ്രത്യേക സാമ്പത്തിക സഹായം ആവശ്യമാണെന്ന് അദ്ദേഹത്തോട് പറഞ്ഞതായും രാഹുല് പറയുന്നു.
അതിരൂക്ഷമായ വെള്ളപ്പൊക്ക ദുരിതം നേരിടുന്ന കേരളത്തിന് അടിയന്തരമായി കൂടുതല് സാമ്പത്തിക സഹായം കേന്ദ്ര സര്ക്കാര് നല്കണമെന്ന് കോണ്ഗ്രസ് അധ്യക്ഷന് രാഹുല് ഗാന്ധി ആവശ്യപ്പെട്ടു. പ്രധാനമന്ത്രി നരേന്ദ്ര മോദിയുമായി താന് സംസാരിച്ചെന്നും കേരളത്തിന്റെ ചരിത്രത്തില് സമാനതകളില്ലാത്ത ദുരിതം നേരിടാന് പ്രത്യേക സാമ്പത്തിക സഹായം ആവശ്യമാണെന്ന് അദ്ദേഹത്തോട് പറഞ്ഞതായും രാഹുല് ട്വീറ്റ് ചെയ്തു. കൂടുതല് ആര്മി, നേവി യൂണിറ്റുകളെ സംസ്ഥാനത്തേയ്ക്ക് രക്ഷാപ്രവര്ത്തനത്തിനായി അയയ്ക്കണമെന്നും പ്രധാനമന്ത്രിയോട് താന് ആവശ്യപ്പെട്ടതായി രാഹുല് പറയുന്നു.
Kerala is in great pain. I spoke to PM and requested him to massively increase deployment of the Army & Navy. I also said that it is critical that he gives the state special financial assistance as this is a tragedy without parallel in Kerala’s history. #IndiaStandsWithKerala
— Rahul Gandhi (@RahulGandhi) August 16, 2018
കേരളത്തിന്റെ വെള്ളപ്പൊക്ക ദുരിതത്തില് ആശങ്ക രേഖപ്പെടുത്തി ഇന്നലെയും രാഹുല് ട്വീറ്റ് ചെയ്തിരുന്നു. മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് ഉദാരമായി സംഭാവനകള് നല്കാനും രാഹുല് ഇന്നലെ അഭ്യര്ത്ഥിച്ചിരുന്നു.
I am deeply concerned for the people of #Kerala tonight, as the flood waters rise. Thousands are stranded. Relief camps full. Many have lost their loved ones. It’s time to step up & help. Please contribute generously to the CM’s relief fund. Use this link: https://t.co/GNUlGQbBZv pic.twitter.com/Gm5QGifSms
— Rahul Gandhi (@RahulGandhi) August 15, 2018