സുപ്രീംകോടതി ചീഫ് ജസ്റ്റിസ് ജെഎസ് ഖെഹാര് കോവിന്ദിന് സത്യവാചകം ചൊല്ലിക്കൊടുത്തു.
ഇന്ത്യയുടെ 14ാമത് രാഷ്ട്രപതിയായി രാംനാഥ് കോവിന്ദ് സത്യപ്രതിജ്ഞ ചെയ്ത് അധികാരമേറ്റു. പാര്ലമെന്റിന്റെ സെന്ട്രല് ഹാളില് നടന്ന ചടങ്ങില് സുപ്രീംകോടതി ചീഫ് ജസ്റ്റിസ് ജെഎസ് ഖെഹാര് കോവിന്ദിന് സത്യവാചകം ചൊല്ലിക്കൊടുത്തു. ദൈവനാമത്തിലായിരുന്നു കോവിന്ദിന്റെ സത്യപ്രതിജ്ഞ. ഉപരാഷ്ട്രപതി ഹമീദ് അന്സാരി, ലോക്സഭാ സ്പീക്കര് സുമിത്ര മഹാജന്, പ്രധാനമന്ത്രി നരേന്ദ്ര മോദി, കേന്ദ്ര മന്ത്രിമാര്, ഭരണപക്ഷത്തെയും പ്രതിപക്ഷത്തെയും നേതാക്കള്, എംപിമാര് തുടങ്ങിയവര് സത്യപ്രതിജ്ഞാ ചടങ്ങില് സന്നിഹിതരായിരുന്നു. സ്ഥാനമൊഴിയുന്ന രാഷ്ട്രപതി പ്രണബ് മുഖര്ജിക്കൊപ്പമാണ് ഒരേ വാഹനത്തില് രാംനാഥ് കോവിന്ദ് എത്തിയത്.