എറണാകുളം ജില്ലാ കളക്ടര് വീട്ടിലെത്തിയാണ് നിയമന ഉത്തരവ് അഖിലയ്ക്ക് കൈമാറിയത്
വരാപ്പുഴയില് ക്രൂരമായ കസ്റ്റഡി മരണത്തിന് ഇരയായ ശ്രീജിത്തിന്റെ ഭാര്യ അഖിലയ്ക്ക് സര്ക്കാര് ജോലി നല്കിക്കൊണ്ടുള്ള ഉത്തരവ് കൈമാറി. എറണാകുളം ജില്ലാ കളക്ടര് വീട്ടിലെത്തിയാണ് നിയമന ഉത്തരവ് അഖിലയ്ക്ക് കൈമാറിയത്. റവന്യൂ വകുപ്പില് വില്ലേജ് അസിസ്റ്റന്റായിട്ടാണ് നിയമനം ലഭിച്ചിരിക്കുന്നത്.
ജോലി ലഭിച്ചതില് സന്തോഷമുണ്ടെന്ന് അഖിലയും ശ്രീജിത്തിന്റെ അമ്മ ശ്യാമളയും പ്രതികരിക്കുമ്പോഴും ശ്രീജിത്തിന്റെ മരണവുമായി ബന്ധപ്പെട്ട് സിബിഐ അന്വേഷണം വേണമെന്ന ആവശ്യത്തില് നിന്ന് തങ്ങള് പിന്മാറില്ലെന്നും, ഈ ജോലി ശ്രീജിത്തിന്റെ ജീവന് പകരമാവില്ലെന്നും അവര് പറഞ്ഞു