ടിക്കറ്റ് നിരക്കിനൊപ്പം 10 ശതമാനം വിനോദ നികുതിയാണ് അധികം ഏർപെടുത്തിയിരിക്കുന്നത്
സംസ്ഥാനത്ത് ഇന്നുമുതല് സിനിമ ടിക്കറ്റ് നിരക്ക് വര്ദ്ധിക്കും. ടിക്കറ്റ് നിരക്കിനൊപ്പം 10 ശതമാനം വിനോദ നികുതിയാണ് അധികം ഏർപെടുത്തിയിരിക്കുന്നത്. ഇത് സംബന്ധിച്ച ഉത്തരവ് പഞ്ചായത്ത്, നഗരസഭ ഡയറക്ടര്മാര്. തദ്ദേശ സ്ഥാപന സെക്രട്ടറിമാര് എന്നിവര്ക്ക് കൈമാറി. ചരക്കു സേവന നികുതി നിലവില് വന്ന 2017 ജൂലൈ മുതല് തദ്ദേശ സ്ഥാപനങ്ങള് വിനോദ നികുതി ഈടാക്കുന്നത് സര്ക്കാര് ഒഴിവാക്കിയിരുന്നു. എന്നാല് തദ്ദേശ സ്ഥാപനങ്ങള്ക്ക് വിനോദ നികുതി പിരിക്കാന് അവകാശം നല്കുന്ന കേരള ലോക്കല് അതോററ്റീസ് എന്റര്ടെയ്മെന്റ് ടാക്സ് ആക്ട് സെക്ഷന് 3 റദ്ദാക്കിയിരുന്നില്ല.
സിനിമ ടിക്കറ്റിനുമേല് ഈടാക്കിയിരുന്ന ജിഎസ്ടി 28 ല് നിന്നും 18 ശതമാനമായി കുറച്ച സാഹചര്യത്തിലാണ് തദ്ദേശ സ്ഥാപനങ്ങളുടെ നഷ്ടത്തിന്റെ തോത് കുറക്കുക്കാൻ വീണ്ടും പത്ത് ശതമാനം വിനോദ നികുതി ഈടാക്കാന് സര്ക്കാര് തീരുമാനനമെടുത്ത്.
