യോഗി സര്ക്കാരിന്റെ നടപടിക്കെതിരെ സമാജ്വാദി പാര്ട്ടിയും ബഹുജന് സമാജ് പാര്ട്ടിയും രംഗത്തുവന്നിട്ടുണ്ട്
ഉത്തര് പ്രദേശിലെ യോഗി ആദിത്യനാഥിന്റെ നേതൃത്വത്തിലുള്ള സര്ക്കാര് എസ്സി/എസ്ടി, ഒബിസി വിദ്യാര്ഥികളുടെ സംവരണം നിര്ത്തലാക്കി. ഇത് സംബന്ധിച്ച ഓര്ഡിനന്സ് യോഗി സര്ക്കാര് പുറത്തിറക്കിയെന്നാണ് സബ്രംഗ്ഇന്ത്യ ഡോട്ട് കോം റിപ്പോര്ട്ട് ചെയ്തിരിക്കുന്നത്. ബിരുദാനന്തര ബിരുദത്തിനും സ്വകാര്യ മെഡിക്കല് കോളേജ് പ്രവേശത്തിനുമുള്ള സംവരണമാണ് നിര്ത്തലാക്കിയിരിക്കുന്നത്.
യോഗി സര്ക്കാരിന്റെ ഓര്ഡിനന്സ്
2006-ല് മുലായം സിംഗ് യാദവ് സര്ക്കാര് ഭരണത്തിലായിരുന്നു എസ്സി/എസ്ടി, ഒബിസി വിദ്യാര്ഥികള്ക്ക് ബിരുദാനന്തര ബിരുദത്തിനും സ്വകാര്യ മെഡിക്കല് കോളേജ് പ്രവേശത്തിനും സംവരണം കൊണ്ടുവന്നത്. യോഗി സര്ക്കാരിന്റെ നടപടിക്കെതിരെ സമാജ്വാദി പാര്ട്ടിയും ബഹുജന് സമാജ് പാര്ട്ടിയും രംഗത്തുവന്നിട്ടുണ്ട്.
പുതിയ ഉത്തരവ് എസ്സി/എസ്ടി, ഒബിസി വിദ്യാര്ഥികളുടെയും അവരുടെ കുടുംബങ്ങളുടെയും രൂക്ഷ എതിര്പ്പിന് കാരണമായിട്ടുണ്ട്. ആര്എസ്എസിന്റെ എസ്സി/എസ്ടി, ഒബിസി വിഭാഗകാരോടുള്ള മനോഭാവമാണ് ഇതിലൂടെ വ്യക്തമായിരിക്കുന്നതെന്നാണ് പ്രതിപക്ഷം ആരോപിക്കുന്നത്.