അഴിമുഖം പ്രതിനിധി
സര്‍ക്കാര്‍ സര്‍വീസിലിരിക്കെ സ്വകാര്യ കോളേജില്‍ അദ്ധ്യാപക ജോലി ചെയ്ത് ശമ്പളം പറ്റിയെന്ന പരാതിയില്‍ വിജിലന്‍സ് ഡയറക്ടര്‍ ജേക്കബ് തോമസിനെതിരെ സിബിഐ അന്വേഷണമില്ല. സിബിഐ അന്വേഷണം ആവശ്യപ്പെട്ടുള്ള ഹര്‍ജി ഹൈക്കോടതി തള്ളി. ജേക്കബ് തോമസ് ചട്ടലംഘനം നടത്തിയിട്ടില്ലെന്നും ഇതിനാല്‍ സിബിഐ അന്വേഷണം ആവശ്യമില്ലെന്നും കോടതി വ്യക്തമാക്കി. അവധിയെടുത്ത് കൊല്ലം ടികെഎം എഞ്ചിനിയറിംഗ് കോളേജില്‍ പഠിപ്പിക്കാന്‍ പോയതാണ് വിവാദമായത്.
