ചരിത്രത്തില് ഇന്ന്
1959 ഡിസംബര് 20, കാണ്പൂരില് ടെസ്ട് ക്രിക്കറ്റില് ആദ്യ ഇന്നിംഗ്സില് 10-ല് 9 വിക്കറ്റും വീഴ്ത്തി ഇന്ത്യയുടെ ജാസു പട്ടേല് ഇന്ദ്രജാലം കാട്ടി. ആസ്ട്രേലിയക്കെതിരെ ഇന്ത്യ നേടിയ ആദ്യ ടെസ്ട് വിജയം ആ കളിയിലായിരുന്നു.
വമ്പന്മാരായ ആസ്ട്രേലിയയെ ഇന്ത്യ തോല്പ്പിക്കുമെന്ന് ആരും പ്രതീക്ഷിച്ചിരുന്നില്ല. അതിനു മുമ്പുള്ള 16 ടെസ്റ്റില് 11 -ഉം ജയിച്ചിരുന്ന ആസ്ട്രേലിയ ഒരൊറ്റ കളിയും തോറ്റിരുന്നുമില്ല. ഇന്ത്യയാകട്ടെ കഴിഞ്ഞ 13 കളികളും തോറ്റിരുന്നു. അഞ്ചു കളികളുള്ള പരമ്പര അവസാനിച്ചത്, ആസ്ട്രേലിയ 2, ഇന്ത്യ 1, സമനില 1 എന്ന നിലയിലാണ്.