അഴിമുഖം പ്രതിനിധി
പ്രായമായ മാതാപിതാക്കളെ വഴിയില് ഉപേക്ഷിച്ചും വൃദ്ധസദനത്തിലാക്കിയും ജീവിക്കുന്ന മക്കളുടെ കഥ നമ്മള് കാണുകയും അറിയുകയും ചെയ്തിട്ടുണ്ടാകും. എന്നാല് ഇവിടെ വിത്യസ്തമായൊരു മകളുടെയും അച്ഛന്റെയും കഥ പറയുകയാണ്. അതും ഒറ്റ ഫ്രയിമിലൂടെ. ഇതിനൊടകം തന്നെ ഈ ചിത്രം സാമൂഹിക മാധ്യമങ്ങളില് വൈറലായി കഴിഞ്ഞു. ‘കണക്ടിംഗ് കേരള ആരോഗ്യം ഹെല്ത്ത് ടിപ്സ്’ എന്ന ഫെയ്സ്ബുക്ക് കൂട്ടായ്മയാണ് ചിത്രം ഷെയര് ചെയ്തിരിക്കുന്നത്. ആ ഒരറ്റ ഫ്രെയിം നമ്മളോട് ഒരുപ്പാട് കഥകള് പറയുന്നുണ്ട്.
‘പെരുമഴയത്ത് പ്രായമായ അച്ചനെ ഒക്കത്ത് വെച്ച് നടക്കുകയാണ് മകള്, മുത്തശ്ശനും അമ്മയും നനയാത്തിരിക്കാന് ഒരു ചെറിയ പെണ്കുട്ടി അവര്ക്ക് മുകളില് കുട നിവര്ത്തി പിടിച്ചിരിക്കുകയാണ്. ആ മഴ മുഴുവനും ആ പെണ്കുട്ടി നനയുകയാണ്.’ ഈ ഒരു ഒറ്റ ചിത്രം കൊണ്ട് അജ്ഞാതനായ ഫോട്ടോഗ്രാഫര് മൂന്ന് തലമുറകളെയും അവരുടെ മനോഭാവത്തെയും കാണിച്ചുകൊണ്ട് പരിഷ്കൃത സമൂഹം എന്ന് അഭിമാനിക്കുന്ന നാം ഉള്പ്പെടുന്നവരെ ഇരുത്തി ചിന്തിപ്പിക്കുന്നു.
നല്ല കമന്റുകളും ചിത്രത്തിന് വന്നിട്ടുണ്ട്- ‘സ്നേഹത്തിന്റെ ഉറവ വറ്റിയിട്ടില്ലെന്ന് ആശ്വസിക്കാം’, ‘ചേച്ചിക്ക് ഒരു കോടി പുണ്യം കിട്ടും’, ‘ഇതാണ് അമ്മയും മകളും തമ്മിലുള്ള സ്നേഹം.’ ഇങ്ങനെ പോകുന്നു കമന്റുകള്.