അഴിമുഖം പ്രതിനിധി
പാരീസ് മാസ്റ്റേഴ്സ് ടൂര്ണമെന്റില് നൊവാക് ജോക്കോവിച്ച് പുറത്തായി. സിംഗിള്സില് ലോക ഒന്നാം നമ്പര് താരമായ ജോക്കോവിച്ചിനെ ക്രൊയേഷ്യയുടെ മരിന് സിലിക്കിനാണ് പരാജയപ്പെടുത്തിയത്. സിലിക്കിനോട് 6-4, 7-6 (7/2) സ്കോറിനാണ് ജോക്കോവിച്ച് അടിയറവ് പറഞ്ഞത്.
അതെസമയം ബ്രിട്ടന് താരം ആന്ഡി മുറെ ചെക്ക് താരം തോമസ് ബെര്ഡിച്ചിനെ പരാജയപ്പെടുത്തി സെമിയില് എത്തി. ചെക്ക് താരം തോമസ് ബെര്ഡിച്ചിനെ 7-6, 7-5 എന്ന സ്കോറിന് തോല്പിച്ചാണ് മുറെയുടെ സെമിപ്രവേശനം.
ആന്ഡി മുറെ ടൂര്ണമെന്റില് ഫൈനല് യോഗ്യത നേടിയാല് ജോക്കോവിച്ചിന്റെ ഒന്നാം റാങ്ക് നഷ്ടമാവും. മുറെ ഫൈനല് യോഗ്യത നേടിയാല് ഒന്നാം റാങ്കില് എത്താം