രാജ്യത്തെ ട്രാവല്‍ ആന്റ് ടൂറിസം മേഖലയില്‍ 11 ലക്ഷം തൊഴിലവസരങ്ങളാണ് പോയ വര്‍ഷം സൃഷ്ടിച്ചത്.
സൗദി അറേബ്യയില്‍ ട്രാവല്‍ ആന്റ് ടൂറിസം മേഖലയില്‍ വന്‍ തൊഴിലവസരങ്ങള്‍ സൃഷ്ടിക്കപ്പെട്ടേക്കും. ഈ വര്‍ഷം പതിനാല് ലക്ഷത്തിലധികം തൊഴിലവസരങ്ങളുണ്ടാകുമെന്നാണ് റിപോര്‍ട്ടുകള്‍. ലണ്ടന്‍ ആസ്ഥാനമായ വേള്‍ഡ് ട്രാവല്‍ ആന്റ് ടൂറിസം കൗണ്‍സിലിന്റെ റിപ്പോര്‍ട്ടാണ് അടിസ്ഥാനം.
രാജ്യത്തെ ട്രാവല്‍ ആന്റ് ടൂറിസം മേഖലയില്‍ 11 ലക്ഷം തൊഴിലവസരങ്ങളാണ് പോയ വര്‍ഷം സൃഷ്ടിച്ചത്. ഈ വര്‍ഷം ഇത് പതിനാല് ലക്ഷത്തിലധികം തൊഴിലവസരങ്ങളുണ്ടാകുമെന്നാണ് പ്രതീക്ഷ. ലണ്ടന്‍ ആസ്ഥാനമായുള്ള വേള്‍ഡ് ട്രാവല്‍ ആന്റ് ടൂറിസം കൗണ്‍സിലിന്റെ കണക്കുകളാണിത്. പ്രാഥമിക കണക്കുകള്‍ പ്രകാരം ഈ വര്‍ഷം ബഹ്‌റൈനില്‍ 1,09,000 വും, യു.എ.ഇയില്‍ 7,53,000വും തൊഴിലവസരങ്ങള്‍ ഈ മേഖല സൃഷ്ടിക്കുമെന്നാണ് പ്രതീക്ഷ. കൂടാതെ അന്താരാഷ്ട്ര സന്ദര്‍ശകര്‍ കഴിഞ്ഞ വര്‍ഷം രാജ്യത്ത് 14.08 ബില്ല്യണ്‍ ഡോളര്‍ ചെലവഴിച്ചതായും കണക്കുകള്‍ വ്യക്തമാക്കുന്നു. യു.എ.ഇയില്‍ 37.3 ബില്ല്യണ്‍ ഡോളറും ബഹ്‌റൈനില്‍ 3.9 ബില്ല്യണ്‍ ഡോളറുമായിരുന്നു അന്താരാഷ്ട്ര സന്ദര്‍ശകര്‍ കഴിഞ്ഞ വര്‍ഷം ചെലവഴിച്ചത്.
