അഴിമുഖം പ്രതിനിധി
വനിതകളുടെ ടെന്നീസ് ഡബിള്സില് സാനിയ മിര്സ ഒന്നാം സ്ഥാനം നിലനിര്ത്തി. കഴിഞ്ഞ ദിവസം സാനിയ -ചെക്ക് റിപ്പബ്ലിക്കിന്റെ ബാര്ബോറ സ്ട്രൈകോവ സഖ്യം പാന് പസഫിക് ഓപ്പണ് ടെന്നീസ് കിരീടം നേടിയിരുന്നു.
റാങ്കിംഗില് തന്റെ മുന് പങ്കാളിയായ സ്വിറ്റ്സര്ലന്ഡിന്റെ മാര്ട്ടീന ഹിഗംസിനെക്കാള് അഞ്ച് പോയിന്റ് മുന്നിലാണ് സാനിയ. സാനിയയ്ക്ക് 9730 പോയിന്റ് ഉള്ളപ്പോള് ഹിഗംസിന് 9725 പോയിന്റാണുള്ളത്.
സാനിയ-ബാര്ബോറ സഖ്യം കഴിഞ്ഞ മാസം നടന്ന സിന്സിനാറ്റി ഓപ്പണിലും ജേതാക്കളായിരുന്നു. ഹിഗംസ്-കോകോ വാന്ഡെവീഗ് സഖ്യത്തെയായിരുന്നു അന്ന് തോല്പ്പിച്ചത്.
പാന് പസഫിക് ഓപ്പണ് ഫൈനലില് ചൈനയുടെ ചെന് ലിയാംഗ്-ഷാവുയാന് യാംഗ് സഖ്യത്തെ തകര്ത്തായിരുന്നു സാനിയ സഖ്യം കിരീടമണിഞ്ഞത്.