അഴിമുഖം പ്രതിനിധി
താന്‍ ലൈംഗികമായി പീഢിപ്പിക്കപ്പെട്ടതായി സരിത പറഞ്ഞതായി മജിസ്‌ട്രേറ്റ് എന്‍ വി രാജു സോളാര്‍ കമ്മിഷനു മുന്നില്‍ മൊഴി നല്‍കി. ബലാത്സംഗമാണോ എന്ന ചോദ്യത്തിന് സരിത അതേ എന്നാണ് മൊഴി നല്‍കിയത്. സരിത പറഞ്ഞ പേരുകള്‍ തനിക്കു പരിചയമുള്ളതല്ലായിരുന്നുവെന്നും ഇപ്പോള്‍ ആ പേരുകള്‍ ഓര്‍ക്കുന്നില്ലെന്നും രാജു കമ്മിഷനോടു പറഞ്ഞു. കേസുമായി നേരിട്ട് ബന്ധമില്ലാതിരുന്നതിനാല്‍ മൊഴി രേഖപ്പെടുത്തിയില്ല. ഇതേ കാരണം കൊണ്ടാണ് എഴുതി നല്‍കാന്‍ ആവശ്യപ്പെട്ടതെന്നും മജിസ്‌ട്രേറ്റ് രാജു പറഞ്ഞു. ആകെ അഞ്ചോ ആറോ മിനിട്ടുമാത്രമാണ് സരിതയോട് സംസാരിച്ചതെന്നും അദ്ദേഹം കമ്മിഷനു മുന്നില്‍ വെളിപ്പെടുത്തി.
