മൂന്ന് വര്ഷത്തിന് ശേഷമാണ് യൂണിയന് ഭരണം എസ്എഫ്ഐ തിരിച്ചുപിടിയ്ക്കുന്നത്.
കലിക്കറ്റ് സര്വകലാശാല യൂണിയന് തെരഞ്ഞെടുപ്പില് എസ്എഫ്ഐയ്ക്ക് ജയം. മൂന്ന് വര്ഷത്തിനുശേഷമാണ് യൂണിയന് ഭരണം എസ്എഫ്ഐ തിരിച്ചുപിടിയ്ക്കുന്നത്. അഞ്ച് ജനറല് സീറ്റിലും എസ്എഫ്ഐ പ്രതിനിധികള് ജയിച്ചു. ഈ വിജയത്തോടെ സംസ്ഥാനത്തെ എല്ലാ സര്വകലാശാല യൂണിയനുകളും എസ്എഫ്ഐ നേതൃത്വത്തിലായി.
ചെയര്മാനായി വി പി ശരത്പ്രസാദ്, ജനറല് സെക്രട്ടറിയായി എ എന് നീരജ്, വൈസ് ചെയര്പേഴ്സണ്മാരായി ഇ എം സജിത, എം അജയ്ലാല് എന്നിവരും ജോയിന്റ് സെക്രട്ടറിയായി എസ് മുഹമ്മദ് ഷെറിനും തിരഞ്ഞെടുക്കപ്പെട്ടു. മൂന്ന് വര്ഷമായി എംഎസ്എഫ് – കെ എസ് യു സഖ്യമാണ് സര്വകലാശാല യൂണിയന് നേതൃത്വം നല്കിയിരുന്നത്.
