റെസിപ്പി തയ്യാറാക്കിയത്
എം.വി.പവിത്ര
കോയമ്പത്തൂര്‍
ചേരുവകള്‍
1.പാല്‍-2 കപ്പ്
2.പായസമുണ്ടാക്കാനുപയോഗിക്കുന്ന അട- 3/4 കപ്പ്
3.നാടന്‍ ചെമ്പരത്തി ചുവന്നത്- 25 എണ്ണം
4.പഞ്ചസാര- 1കപ്പ്
ഉണ്ടാക്കുന്ന വിധം
ചെമ്പരത്തിപ്പൂക്കളില്‍നിന്നും ഇതളുകള്‍മാത്രംനുള്ളിയെടുത്ത് 41/2 കപ്പ് വെള്ളം ചുവടുകട്ടിയുള്ള ഒരുപാത്രത്തിലെടുത്ത് തിളപ്പിച്ചതിനുശേഷം അതിലിടുക.അതിന്റെ നിറം മാറിവരുമ്പോള്‍ ഒരു കപ്പ് പഞ്ചസാര ചേര്‍ത്ത് തിളപ്പിക്കുക.അതിനുശേഷം ഇത് അരിച്ചെടുത്ത് ചൂടായ ഉരുളിയിലൊഴിക്കുക.നേരത്തെ,20മിനിറ്റുനേരം കുതിര്‍ത്തുവച്ച3/4 കപ്പ് അട ഇതോടെപ്പം ചേര്‍ത്ത് തിളപ്പിക്കുക.വെള്ളം വറ്റിത്തുടങ്ങുമ്പോള്‍ പാല്‍ ചേര്‍ക്കുക പാല്‍ ചോര്‍ത്തുകഴിഞ്ഞാല്‍ അടിയില്‍ പിടിക്കാതിരിക്കാന്‍ തുടരെത്തുടരെ ഇളക്കണം. ആവശ്യമെങ്കില്‍ രണ്ട് ഏലയ്ക്ക ചതച്ചു ചേര്‍ക്കാം പായസം കുറുകിയതിനുശേഷം നെയ്യില്‍ അണ്ടിപ്പരിപ്പും,മുന്തിരിയും മുകളില്‍ വിതറാം.
