രണ്ടാം ലോകമഹായുദ്ധസമയത്ത് ജപ്പാന്‍സേനയ്ക്കെതിരെ പോരാടിയ ബാഡ്ലുറാം എന്ന റൈഫിള്‍മാന് സമര്‍പ്പിച്ചിട്ടുള്ള ഈ ഗാനം അസം റെജിമെന്റിന്റെ പോരാട്ട വീര്യം എടുത്തു കാണിക്കുന്നതാണ്.
അസാം റെജിമെന്റ് മാര്‍ച്ചിംഗ് ഗാനം ആലപിച്ച് ചുവടുവയ്ക്കുന്ന ഇന്ത്യന്‍-അമേരിക്കന്‍ സൈനികരുടെ വീഡിയോ ശ്രദ്ധ നേടുന്നു. അമേരിക്കയിലെ മക്‌കോര്‍ഡിലെ ജോയിന്റ് ബേസ് ലൂയിസില്‍ നടത്തുന്ന ‘യുദ്ധ അഭ്യാസ്’ എന്ന പരിശീലന വേളയിലായിരുന്നു അസാം റെജിമെന്റിന്റെ മാര്‍ച്ചിംഗ് ഗാനമായ ‘ബാഡ്‌ലസുറാം കാ ബദാന്‍ സമീന്‍ കെ നീച്ചെ ഹൈയ്’ പാടി ഇന്ത്യന്‍ – അമേരിക്കന്‍ സൈനികര്‍ നൃത്തം ചെയ്തത്.
രണ്ടാം ലോകമഹായുദ്ധസമയത്ത് ജപ്പാന്‍സേനയ്ക്കെതിരെ പോരാടിയ ബാഡ്ലുറാം എന്ന റൈഫിള്‍മാന് സമര്‍പ്പിച്ചിട്ടുള്ള ഈ ഗാനം അസം റെജിമെന്റിന്റെ പോരാട്ട വീര്യം എടുത്തു കാണിക്കുന്നതാണ്. ഇന്തോ-യുഎസ് പ്രതിരോധ സഹകരണത്തിന്റെ സംയുക്ത സൈനിക പരിശീലന അഭ്യാസത്തിന്റെ 15-ാം പതിപ്പാണ് യുഎസ്എയിലെ വാഷിംഗ്ടണ്‍ ഡിസിയിലെ മക്‌കോര്‍ഡ് ജോയിന്റ് ബേസ് ലൂയിസില്‍ നടക്കുന്നത്.
#WATCH Indian and American soldiers sing and dance on the Assam Regiment’s marching song ‘Badluram ka badan zameen ke neeche hai’ during Exercise ‘Yudhabhyas’ being carried out at Joint Base Lewis, McChord in the United States of America pic.twitter.com/6vTuVFHZMd
— ANI (@ANI) September 15, 2019
സെപ്റ്റംബര്‍ 5-ന് ആരംഭിച്ച് ‘യുദ്ധ അഭ്യാസ്’ 18-ാം തീയതിവരെയുണ്ട്. ഈ പരിശീലനം ഇരു രാജ്യങ്ങളിലും മാറിമാറിയാണ് നടന്നുവരുന്നത്. ഇന്ത്യയും യുഎസും തമ്മിലുള്ള ഏറ്റവും വലിയ സംയുക്ത സൈനിക പരിശീലനത്തിന്റെയും പ്രതിരോധ സംഘടിത ശ്രമങ്ങളിലുമൊന്നാണ് യുദ്ധ അഭ്യാസ്.
