ബ്രട്ടീഷ് രാജ കുടുംബത്തിന്റെ അക്കൗണ്ടിനേക്കാള്‍ ഫോളോവേഴ്‌സിനെ സസ്സക്‌സ് റോയല്‍ നേടുമോ എന്ന സംശയത്തിലാണ് ആരാധകരിപ്പോള്‍
സസ്സക്‌സിലെ ഡച്ചും ഡ്യൂക്കുമായ ഹാരിയും മേഗനും ഇന്‍സ്റ്റാഗ്രാമില്‍ തുടക്കം കുറിച്ചിരിക്കുകയാണ്. സസ്സക്‌സ് റോയല്‍ എന്നാണ് ഇവരുടെ ഇന്‍സ്റ്റാ ഗ്രാം അക്കൗണ്ട്. എന്നാല്‍ അക്കൗണ്ട് തുടങ്ങി ദിവസങ്ങള്‍ക്കുള്ളില്‍ അത് ഗിന്നസ് വേള്‍ഡ് റെക്കോര്‍ഡില്‍ ഇടം നേടിയിരിക്കുകയാണ്. ഏറ്റവും ചുരുങ്ങിയ സമയം കൊണ്ട് 10 ലക്ഷം ഫോളോവേഴ്‌സിനെ സ്വന്തമാക്കിയ ഇന്‍സ്റ്റാ ഗ്രാം അക്കൗണ്ട് എന്ന റെക്കോര്‍ഡാണ് ഇരുവരും സ്വന്തമാക്കിയിരിക്കുന്നത്. രാജകുടുംബത്തിന്റെ നിയന്ത്രണങ്ങള്‍ക്കുള്ളില്‍ നിന്നു കൊണ്ടു തന്നെയാണ് ഇരുവരും ഇന്‍സ്റ്റാ ഗ്രാമിലേക്കെത്തിയത്. അക്കൗണ്ടിന്റെ ആദ്യ ഫോളോവര്‍ ബോളിവുഡ് താരം പ്രിയങ്ക ചോപ്രയാണ്. മേഗന്റെ അടുത്ത സുഹൃത്താണ് പ്രിയങ്ക.
ബ്രീട്ടീഷ് രാജ കുടംബത്തിന്റെ അക്കൗണ്ടായ ദ റോയല്‍ ഫാമിലിക്ക് 52 ലക്ഷം ഫോളോവേഴ്‌സാണ് ഇതുവരെയുള്ളത്. എന്നാല്‍ അക്കൗണ്ട് തുടങ്ങി നാലു ദിവസം പിന്നിടുമ്പോള്‍ സസ്സക്‌സിനു 42 ലക്ഷത്തിലധികം ഫോളോവേഴ്‌സാണ് ഉള്ളത്. ബ്രട്ടീഷ് രാജ കുടുംബത്തിന്റെ അക്കൗണ്ടിനേക്കാള്‍ ഫോളോവേഴ്‌സിനെ സസ്സക്‌സ് റോയല്‍ നേടുമോ എന്ന സംശയത്തിലാണ് ആരാധകരിപ്പോള്‍.
നടിയും മോഡലുമായ മേഗന്‍, ഹാരിയുമായുള്ള വിവാഹത്തിന് ശേഷമാണ് സോഷ്യല്‍ മീഡിയയില്‍ നിന്നും അകലം പാലിച്ചത്. വിവാഹത്തെ തുടര്‍ന്ന് തന്റെ സോഷ്യല്‍ മീഡിയ അക്കൗണ്ടുകള്‍ മേഗന്‍ കളഞ്ഞിരുന്നു. ചിത്രങ്ങള്‍ പുറത്തു വിടുന്നതിനും സോഷ്യല്‍ മീഡിയകള്‍ ഉപയോഗിക്കുന്നതിനുമെല്ലാം രാജകുടുംബത്തിന് നിയന്ത്രണങ്ങളുണ്ട്. അതിനാലാണ് ഹാരിയും മേഗനും ചേര്‍ന്നിപ്പോള്‍ പുതിയ അക്കൗണ്ട് എടുത്തിരിക്കുന്നത്.
“കാലം മാറുകയാണ് വായനയും. രാവിലെ കട്ടന്റെ കൂടെ പോളണ്ടിനെ പറ്റി വരെ സംസാരിക്കാം. കൂടുതല്‍ വായനയ്ക്ക് അഴിമുഖം സന്ദര്‍ശിക്കൂ…”
