ഭർത്താവ് ആദിത്യൻ ജയനും മകനുമൊപ്പമുള്ള ചിത്രത്തിനൊപ്പം വിഷു ആശംസകൾ നേർന്നുകൊണ്ടുള്ള പോസ്റ്റിലാണ് അമ്പിളി ഈ വിവരം പങ്കുവെച്ചത്
വീണ്ടും അമ്മയാകാൻ പോകുന്ന സന്തോഷം പങ്കുവെച്ച് നടി അമ്പിളി ദേവി. അമ്പിളി തന്നെയാണ് താൻ ഗർഭിണിയാണെന്ന വിവരം ഫെയ്സ്ബുക്കിലൂടെ പങ്കുവച്ചത്. ഇക്കഴിഞ്ഞ ജനുവരിയിലായിരുന്നു നടൻ ആദിത്യൻ ജയനുമായിട്ടുള്ള അമ്പിളിയുടെ വിവാഹം. അമ്പിളിയുടെ രണ്ടാമത്തെ വിവാഹമായിരുന്നു ഇത്. ആദ്യ ഭർത്താവിൽ അമ്പിളിക്ക് ഒരു മകനുണ്ട്.
ഭർത്താവ് ആദിത്യൻ ജയനും മകനുമൊപ്പമുള്ള ചിത്രത്തിനൊപ്പം വിഷു ആശംസകൾ നേർന്നുകൊണ്ടുള്ള പോസ്റ്റിലാണ് അമ്പിളി ഈ വിവരം പങ്കുവെച്ചത്.
ഫേസ്ബുക്ക് കുറിപ്പ് ഇങ്ങനെ;
എന്റെ അമ്മവയറ്റിൽ ഒരു ഉണ്ണിയുണ്ടെല്ലോ !
ദൈവം എനിക്കുതന്ന
സമ്മാനം !
ഇന്നുമുതൽ എന്റെ
കുഞ്ഞുവാവയ്ക്കായുളള
കാത്തിരുപ്പ് !
എനിക്കും എന്റമ്മയ്ക്കും
അച്ഛനും ഞങ്ങടെ
ഉണ്ണിവാവയ്ക്കും വേണ്ടി
എല്ലാരും പ്രാർത്ഥിക്കണേ…
ഞങ്ങളെ സ്നേഹിക്കുന്ന എല്ലാവർക്കും ഞങ്ങളുടെ ഹൃദയം നിറഞ്ഞ വിഷു ആശംസകൾ