‘ലാലുവിനും പൃഥ്വിരാജ് സുകുമാരനും മുരളി ഗോപിയ്ക്കും ആശംസകള്‍’
പൃഥ്വിരാജിന്റെ സംവിധാനത്തില്‍ മോഹന്‍ലാല്‍ നായകനായ ‘ലൂസിഫർ’ ഇന്ന് പ്രേക്ഷകരുടെ കയ്യടി നേടി നിറഞ്ഞ സദസ്സിൽ പ്രദർശനം തുടരുകയാണ്. ഈ സാഹചര്യത്തിൽ ചിത്രത്തെ പ്രശംസിച്ച് സംവിധായകൻ പ്രിയദർശനും രംഗത്തെത്തിയിരിക്കുകയാണ്.
‘മലയാളത്തിലെ ഏറ്റവും മികച്ച മാസ് സിനിമകളില്‍ ഒന്നാണ് ‘ലൂസിഫര്‍’. ലാലു (മോഹന്‍ലാല്‍)വിനും പൃഥ്വിരാജ് സുകുമാരനും മുരളി ഗോപിയ്ക്കും ആശംസകള്‍’- പ്രിദർശൻ ഫേസ്ബുക്കിൽ കുറിച്ചു.
മിനിറ്റുകൾക്കുളിൽ തന്നെ ചിത്രത്തിന്റെ സംവിധായകനായ പൃഥ്വിരാജും മറുപടി തന്റെ ഫേസ്ബുക്ക് പേജിലൂടെ പ്രിയദർശനെ അറിയിച്ചു.
‘ഇതൊരു അവാര്‍ഡാണ്! നന്ദി സാര്‍! ഞാനൊരു സംവിധായകനാവാനുള്ള കാരണങ്ങളിലൊന്ന് നിങ്ങളാണ്!’- പൃഥ്വിരാജ് കുറിച്ചു
മുരളി ഗോപി തിരക്കഥയെഴുതി ചിത്രം ആൻറണി പെരുമ്പാവൂർ ആണ് നിർമ്മിക്കുന്നത്. മോഹൻലാൽ സ്റ്റീഫൻ നെടുമ്പള്ളി എന്ന കഥാപാത്രത്തെ അവതരിപ്പിക്കുന്ന ചിത്രത്തിൽ വിവേക് ഒബ്റോയ്, ഇന്ദ്രജിത്ത്, ടൊവിനോ തോമസ്, മഞ്ജു വാര്യർ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
